علّق عدد من رواد مواقع التواصل الاجتماعي بشكل ساخر، على شو عرائس كرتونية لجأت إليه مدرسة بمحافظة بني سويف لاستقبال طلابها في أول أيام العام الدراسي الجديد.
لكنها العرائس بدت مثيرة للضحك بسبب ضعف الإمكانيات المادية، ما أثار سخرية المتابعين، وبخاصة شخصية "دونالد داك" بسبب ملابس العروسة التي كانت أكبر بكثير من جسم مرتدي الشخصية.
وتوالت التعليقات الطريفة من المتابعين على الصور ومنها :" لما تشتري بطوط من التوحيد والنور"، و" تحت عنوان بطوط الغلبان يحلم ان يكون ملوخيه"، و" هو بطوط شكله متبهدل ليه كدا"، و" المشكله مش في بطوط اللي واقف المشكله اللي بيقس الحراره بيقيسها من فوق الفيس شليد"، و" هيقطعوا الخلف وهما لسه في مقتبل العمر يقلب امهم"، و" هو اذاي كل ما بطوط ولابس حفاضه"، و" ما ده مش منظر بطوط يطلع للعيال"، و" بطوط مالو نشفان وضعفان كده"، و" هاد كلسون لابس بطوط"، و" لاحظ انه مستخبي بحيث يسرعهم و كده حضراتكوا فاهمين طبعا"، و" ياريت الحفاضة دي تبقي محكمة شوية عن كدا".
في حين أشاد آخرون بالفكرة والسعي لإسعاد الأطفال حتى برغم ضعف الاماكنيات المادية، حيث قال أحدهم :"حاجه بسيطه لاكنها للاطفال حاجه مبهجه ومفرحه، ولو اتعملت فى مدرسه خصوصى او عند الاجانب كان الوضع اختلف، تحيه لصاحب الفكره البسيطه".
