قدم الفنان رامي جمال، اعتذارًا لزوجته ناريمان، وتوضيحا لما حدث يوم عيد ميلادها، مشيراً إلى أنه أصابه عدم التوفيق في استخدام كلامه مما أدى إلى اعتبار البعض أنه ينتقص منها.

ونشر "جمال" صورة له تجمعة بزوجته، على حسابه عب "إنستجرام"، وعلق قائلاً: "اسف لو اتضايقتي يوم عيد ميلادك مني بشكل مباشر او غير مباشر، اصابني عدم التوفيق في استخدام كلامك وهزار اعتبروه البعض استهزاء او انتقاص من اهم شخص في حياتي رغم اني عارف وواثق في تفكيرك وطبيعه حياتنا اللي بمميزاتها وعيوبها قررت انها تكون مش للعلن".

 

 

 

 

View this post on Instagram

 

 

 

 

 

 

 

 

 

 

 

A post shared by Ramy Gamal (@ramygamalmusic)

وتابع: "الاراء السلبيه اللي شفتها واللي انتي شفتيها لمجرد محاولتك اثبات ان كلامي عنك هو اصلا بوست ليكي قبل البوست بتاعي جدعنه منك غير مستغربه للاسف قوبلت بانك شفتي فعلا كلام من البعض يضايق وبما اننا عايشين مع ناس ف انا بعتذرلك عن اللي حستيه بسبب هزار عارف انك قابلاه بس من حب ربنا فيكي ومن سوء التوفيق ليا ان الناس شافته اهانه".

وأضاف: "وقررت تدافع عنك من غير كلام كتير اسفلك واسف للي ضايقهم الموضوع وشكرا جدا ليكي واللي فهموا قصدنا من الاول بس الدرس المستفاد اني غلطت في نشر حياتي للعلن اوعدكم مفيش كلام غير في اللي بشتغل فيه بحبك".

وسبق وأن، نشر رامي جمال، بالأمس صورة له مع زوجته ناريمان، عبر "إنستجرام"، وعلق قائلاً: "يارب أنت عارف إني اتجوزتها وهي عيد ميلادها ذكرى الزلزال القوي اللي جِه مصر، والنهارده عيد ميلادك برق ورعد وحاجة فلة كده، عرفت أنا ليه لما غنيت سقف كورونا غزت العالم، الحمد لله أننا مخلفناش لأني واثق إن ابننا كان أكيد هيبقى المسيخ الدجال، نهاية العالم هتبقى بدايتها من بيتنا".

أضاف: "كل سنة وأنتي أول وأخر وأحلى وأرخم حاجة في حياتي، بفكر أطلقك علشان أخد الدريسينج والحق يرجع لأصحابه، كل سنة وأنتي طيبة".