قال الفنان أحمد السقا، إن جائزة الانجاز الإبداعي التي حصل عليها في مهرجان الجونة السينمائي،  لها أهمية خاصة  بالنسبة  له، لأنه كما جرت العادة أن يحصل  الفنان على تكريم أو جائزة عن مشاوره الفني في كبره أو بعد وفاته.

وأضاف خلال برنامج "كلمة أخيرة" الذي تقدمه الاعلامية لميس الحديدي على شاشة "ON" قائلاً : "لكن عندما يأتي التكريم في عمر صغير يشعر الإنسان  بالمسؤولية وكأني متخرج من الأكاديمية للتو، وبيخلي " أمبير " العداد يرجع من الزيرو لنفكر ماذا سنفعل في المستقبل ؟ صحيح مرحلة صعبة لكنها ممتعة في ذات الوقت".

 وكشف السقا أن الشغف الفني  لم يمت يوماً في مسيرتي الفنية قائلاً : "اقسم بالله لما ببقى نازل أعمل دور مهم وأنا حابه أول يوم  وفي ساعة أول لحظة تصوير بتبقى رجلي بتخبط في بعضيها وكأنها أول مرة  وبقي يرتعش وإيدي مهتزة .. عشان كده  لسه لحد دلوقتي حاسس أني تلميذ  بفضل متوتر لحد مايحصل التدفق الفني".

واوضح أنه بعد كل هذه السنوات لازال حريصاً على مذاكرة ودراسة الأدوار وكأنها أول مرة قائلاً: "يعيش المعلم ويتعلم طول الوقت لسه بذاكر الشخصية ودي بتبقى اكتر فترة ذهنية مرهقة وأنا بلم تفاصيل كل شخصية  بعملها  ببقى عاوز أعرف بيضحك  إزاي وبياكل إزاي عشان أكون كيان  قبل خوض الدور بشخصيتها لازم أتفرج عليها الاول  في خيالي  لحد  ماتقمصها وعفريتها يلبسني".