وجهت المطربة آية عبدالرؤوف أصابع الاتهام بسرقة فكرة أغنيتها الأخيرة التي تحمل اسم "بلوك"، والتي طرحتها في 20 أغسطس الماضي.
وتساءلت آية: "حد يعمل فكرة أغنيتي بلوك بنفس فكرة البوستر بتاعي؟!"، مضيفة: "يا جماعة اتعبوا شوية.. بلاش سرقة أفكار".
الجمهور وجه الاتهامات إلى المطربة الشابة هنا يسري، ابنة الفنان إبراهيم يسري، والتي طرحت، اليوم، أغنيتها الجديدة التي تحمل اسم "خليكِ جامدة"، خاصة أن بوستر أغنية هنا يشابه تمامًا بوستر أغنية "بلوك" للفنانة آية عبدالرؤوف.
أغنية "خليكِ جامدة" للمطربة هنا يسري من كلمات شادي محسن، مها إبراهيم يسري، ألحان شادي محسن، وتوزيع أحمد حسام وإلهامي دهيمة.
وتقول كلماتها:
خليكي جامدة
لو اتخدعتي في اللي
كنتي فاكرة إنه حبك
خليكي جامدة
وقوي قلبك بعقلك وارفضي ضعفك
خليكي جامدة
عيشي حياتك والأهم أنك تحبي نفسك
بكرة كل ده هيبقى ذكرى
نفتكرها نضحك
يلا بلوك بلوك
قومي واعملي نيو لوك
خلي النفسية تفك
أما أغنية "بلوك" للمطربة آية عبدالرؤوف من كلمات محمد جابر، ألحان آية عبدالروؤف، وتوزيع وماستر أنور عمرو.
وتقول كلماتها:
كان لسه لحد امبارح
active now على الفيسبوك
وقعد ساعتين يصالحني ويعيد ويزيد ويلوك
ويدوب قررت أصفاله وارجع لطبيعتي وأفك
ببعت دلوقتي لقيته الباشا عاملي block
معرفش دي شيزوفرونيا ولا دي أعراض حاجة تانية
ولا افتكر إن في ثانية برسالة وكلمة هحن
ولا أخدها على كرامته.. علشان فكر بسلامته
إن أنا هجري على عظمته وهروق عادي وأكن
مجانين كده ليه الرجالة!!
في إيه في دماغهم بس؟
غاويين ليه أفلام عربي وخروج دايمًا على النص
في الأول يبقوا ملايكة وبعدين يقلبوا في النص
عاوزين الحاجات وبرضوا عاوزين في ساعتها العكس