الجمعة 21 يونيو 2024

الأمن يكشف تفاصيل جديدة في واقعة سرقة هاتف خالد الغندور

خالد الغندور

الجريمة19-1-2022 | 13:47

منال حماد

حددت أجهزة الأمن بالقاهرة مكان واقعة سرقة لاعب الزمالك السابق خالد الغندور أعلى الطريق الدائري، ودلت تحريات أجهزة الأمن أن الغندور تعرض للسرقة بنطاق دائرة قسم شرطة مصر القديمة.

 وقام رجال المباحث بتفريغ كاميرات المراقبة المحيطة بمكان الواقعة لتتبع مسار هروب المتهمين، فيما يكثف رجال الأمن جهودهم لضبطهم.

وكشف الغندور تفاصيل تعرضه للسرقة أعلى الطريق الدائري، قائلا: "كنت راجع من مدينة نصر وطلعت دائري المعادي والدنيا زحمة جدا، وماشي براحتي، فجأة لقيت باب العربية اتفتح وواحد خطف مني التليفون عيني عينك، محستش بنفسي من الصدمة، ونزلت أجري وراه نط الحاجز وعدى الناحية التانية، وكان في واحد مستنيه بموتوسيكل من غير نمر ركب معاه وهربوا».

 

 وأضاف الغندور "رجعت لقيت عربيتي ماشية وخبطت في عربية قدامي، والناس نزلت تتكلم معايا ينفع كده يا كابتن قولتلهم خدوا رقمي وتحت أمركم في أي حاجة".

 

وتابع لاعب الزمالك السابق " الولد اللي سرق مني الموبايل عنده حوالي 14 سنة، والموبايل ايفون لسه جديد اشتريته من كام يوم بـ32 ألف جنيه.

الاكثر قراءة