تعرض الفنان و المؤلف والسيناريست عمرو محمود ياسين، لهجوم حاد من أحد رواد مواقع التواصل الاجتماعي، الذي اتهمه بأخذ سيناريوهات نتاج الورش، لتقديمها من تأليفه، في مسلسل "نصيبي وقسمتك" ذي المواسم الأربعة .

ونشر عمرو محمود ياسين،  صورة المنشور الذي يتضم الاتهام بالسطو على سيناريوهات الآخرين، وكتب منشورًا طويلًا عبر حسابه الرسمي على "فيسبوك"، ليوضح فيه حقيقة ما حدث.

وقال: "يا أستاذ..يا أستاذ يا محترم أصعب شيء بالدنيا،  إن ييجي حد يبقي عايز يمحو تعبك ومجهودك بالشكل ده، و طبعا يعني كان لازم طالما ناوي تشكك فيا بالشكل ده كنت تراجعني أولًا..جميع قصص نصيبي وقسمتك من سيزون 1 لسيزون 4.من تأليفي منفردًا..بمعني إن مفيش حد أداني قصة أو فكره ولا استخدمت ورشة لمساعدتي في الكتابة..إلا في قصتين اتنين عبر الأربع مواسم".

وأوضح عمرومحمود ياسين:"حكاية اسمها جدول الضرب كانت في سيزون 2 وحكاية انسى روحي وياك في سيزون 4 الحكايتين دول فقط اللي كنت استعنت بورشة..المرة الأولى في حكاية جدول الضرب لضيق الوقت، وكنت بقول لهم تتابع الحلقة، و يكتبوا المشاهد  ويبعتوها أقوم أنا مراجع المشاهد تاني اللي أنا قلت عليها واعدل بالحوار مره تانية، واراجع الحلقة وبعدين اطلعها".

وتابع "ونفس الشيء في حكايه انسى روحي وياك بقول سيناريو الحلقة و تسلسلها وتتابعها و سبهم يكتبوها و يبعتوها و اقعد أراجع ع الحلقه بالخمس ساعات وأعدل فيها، وبعدين ابعتها، وده حصل في حكاية وانسى روحي وياك فقط لاغير..في هذا الموسم..وإن كانت برضه أنا اللي كاتبها و متحمل مسؤوليتها لأني براجع ع حرف حرف فيها".

وقال يضا "خلي بالك انت ببوست زي ده. بتهد مجهود وتعب، أنت لا تتصوره..أي حد  شارك في نصيبي وقسمتك يعلم جيدًا مين اللي كتبه كله..أي شخص أي فرد..عارف كويس اللي بقوله. فا.مايصحش كده يا أستاذ".

 واختتم بقوله "ده كان ردي ع أستاذ المحترم اللي معرف نفسه انه كاتب  يعني مفترض عارف وفاهم يعني ايه تعب ومجهود المؤلف؛ عيب يا أستاذ والله..عيب ، إضافه أنا  اضطريت الاستعانة بورشة في انسى روحي وياك لمعاونتي بعد الحادثه..و لم يعاونوني في أي قصة تانيه ".