أكد الشاعر مصطفى حسن على عدم صحة ما يتداوله الفنان حمادة هلال عن أزمة أغنية "عيش بشوقك" للفنان تامر حسني، لافتًا إلى أن الأخير ليس له علاقة بهذا الأمر، وأنه يرجع للشركة المنتجة، وأيضًا لتأخر الأول في العمل على الأغنية.

ونشر مصطفى حسن عبر صفحته الرسيمة بموقع التواصل الاجتماعي "فيسبوك" قائلًا: "أولًا حماد جه جرب صوته على الغنوة وده كل المجهود اللي عمله فيها.. ولا حط كلمة ولا حط جملة لحن ولا فكرة ولا خلافه.. ده ردًا على أن الغنوة اتعلمت على أيديه".

وتابع مصطفى حسن: "ثانيًا.. كلمته كتير عشان نخلص التنازلات وحساب الغنوة وده خلال شهور.. أحيانًا يقوللي بدور على حد ينتجها وأحيانًا يقولي لسه بفكر فيها وأحيانًا ميردش خالص.. وهو بنفسه اللي قال ست شهور.. طب هل خلال الشهور دي ادفعلنا جنيه واحد.. لأ".

وأضاف مصطفى حسن: "ثالثًا تامر حسني ملهوش أي علاقة بالموضوع ده وهو راجل سمع غنوة من خلال المهندس هاني محروس وحبها وخدها وغناها.. الكواليس دي بعيدة عنه تمامًا وكله عارف أن تامر أكتر حد بيشتري أغاني والقصة المادية دي بالبلدي تامر فيها باشا وعمره ما بيزعل حد".

واستطرد مصطفى حسن قائلًا: "رابعًا لما حمادة ظهر تاني وكلمني وكان عارف أن تامر غنى والله بردو مراعاة ليه فكرت أنا وبلال نستأذن تامر ونرجعاله بس كان تامر صورها أصلًا.. والله تامر قاله لولا إني صورت ما أعزهاش عليك باللايفات بتاعتها كمان".

وأنهى مصطفى حديثه قائلًا: "وربنا كرمنا الحمد لله في الغنوة عشان والله ما ظلمناش حد ولا جينا على حد واتعاملنا بما يرضي الله.. والله أعلم.. حاليًا عيش بشوقك 130 مليون.. ادعولنا في الجايات".

وتسبب الفنان حمادة هلال في جدل كبير بالأيام الماضية، وذلك بعد لقائه بأحد البرامج، وأكد به أن أغنية "عيش بشوق" الذي طرحها الفنان تامر حسني منذ عدة سنوات تعود ملكيتها له.