احتفل المخرج مجدي الهواري، بتتويج فريق ليفربول بلقب كأس الاتحاد الإنجليزي، بعدما تغلب على تشيلسي بركلات الترجيح بنتيجة 6-5، مساء اليوم السبت، على ملعب "ويمبلي".

وكتب "الهواري"، عبر موقع التواصل الاجتماعي "فيسبوك"، قائلًا: "أووووووه هنا سأتوقف قليلًا.. أفضل ما في الرياضة لحظة التتويج التاريخي، ولحظة الإنسانية".

وكان مجدي الهواري، هاجم محمد صلاح، لاعب ليفربول ومنتخب مصر، عبر "فيس بوك"، وكتب: "إلى محمد صلاح أنت في خطر.. لو الجمهور اللي عملك أغاني باسمك قلب الطاولة عليك هيرموك بالبيض.. هيروح منك كل حاجه دوري وأبطال أوروبا حتى لقب الهداف".

وتابع: "أنت حولت الدوري الإنجليزي إلى بورصة مش كورة، وده في صالح المنافسين، أحسم وخد قرارك وبلاش هيصة كتير كده.. مفيش حد من أساطير الكورة فضل كل ده هري في المفاوضات علشان ياخد قرار.. لو أنت نجم عالمي.. إحنا بنشجع كورة عالمية قبل ما أنت تتولد".

وأوضح مجدي الهواري، بعد تعرضه لإنتقادات حادة من قبل رواد التواصل، عقب هجومة على محمد صلاح، وكتب عبر "فيسبوك"، قائلًا: "طب توضيح وتصحيح لبوست محمدصلاح.. قبل الحذف (مش عيب).. المفروض ان معروف  قد ايه انا بحب محمد صلاح مش محتاج اقول ده ! لاني بشجع النادي اللي بيلعب فيه بس .. علشانه 👌 وقبل كده كنت بشجع روما وقبلها تشلسي بردو علشانه".

وواصل: "وحاطط صورته فوق سرير بطل مسلسلي طول ال30 حلقة علشان يبقي قدوة لكل جيل والشباب اللي بيشوفوا المسلسل ومنهم ولادي .. وانا واحد من الناس الي شايف  انه مش واخد حقة وقولت ده كتير ! سواء في فرصة الكورة الذهبية ولا حتي في مرتبه اللي بيخده حالياً.. بس رأي مش مهم جنب المعاير العالمية لفرصة الاتنين.. بس جات الفرصة  في العروض اللي بتتعرض عليه في نوادي تانية بالرقم اللي هو عايزه ويمكن اكتر".

واستكمل: "سواء في باريس سان جيرمان او الريال وهو عارف ان ليفربول مش يدفعوا  الرقم ده لحسابات كتيرة .. واكتر رقم هيدفعوه هو ال 400 الف.. وانا كتبت قبل كده اوعي تمشي ياصلاح من نادي عملك نشيد !! المشكلة مش هنا ،، ولا المشكلة في الانتقال! 
المشكلة في الحسم.. في القرار.. علشان صلاح يركز في الكورة .. والله ده كان قصدي المشكلة في سبب كتابة البوست الانفعالي جدا".

واختتم: "اشوفكم بعد ماتش الريال !! ميارة الحسم !! اتمني. عودة صلاح بكاس إبطال اوروبا.. يارب يبقي كلامي حماسي للفرعون الصغير فخر قلبنا".