سمية الخشاب يتصدر اسمها التريند ومواقع البحث منذ بداية امتحانات الثانوية العامة، وذلك بسبب نصائحها الدائمة والمستمرة للطلاب التي يتميز البعض منها بروح الدعابة والبعض الآخر بالجدية، حيث تذكر فيها بعض الطرق للتسهيل على الطلاب المذاكرة والاسترجاع للمعلومات.
نصائح طريفة
وجهت سمية الخشاب نصيحة لطلاب الثانوية العامة قائلة: «حبايبي اللي في ثانوية عامة، محدش يجي علي نفسه خالص صحتكم بالدنيا، ومش نهاية العالم ومتخلوش أي حد يأثر بالسلب عليكم، وتقدروا تثبتوا نفسكوا فأي مجال أو كلية مش شرط المسمى القديم بتاع كليات القمة ده مفيش قمة، اللي هيشتغل ويحب اللي بيعمله هيبقي في القمة».
كما كتبت مرة أخرى قائلة: «ساعدوا بعض وذاكروا مع بعض وبلاش قلة سلكان عشان كل حاجه بالنيات».
اقرأ أيضا:
تشييع جنازة والدة سمية الخشاب بالإسكندرية
بسبب الزواج.. سمية الخشاب تتصدر تويتر
نصائح جادة لطلاب الثانوية العامة قبل امتحان اللغة العربية منها
1- بشأن مذاكرة النصوص الأدبية، كتبت الخشاب: عندنا 6 مدارس أدبية، كل واحدة بتتكون من 6 نقاط، وأي مدرسة أدبية هيبقى فيها شعراء.
2- أي مدرسة أدبية فيها وحدة ولغة وموسيقي وزن وقافية.
3- المدرسة بيطغي فيها الصياغة على المضمون أو العاطفة على الأفكار، وفي موضوعات هنمسك واحدة واحدة نلمها في شوال.
4- متنسوش إن طه حسين كان بياكل بيض وبصل وإن الأرانب كانت بتنط من فوق السور، وكان بيغطي رجله كويس عشان العفاريت متعبثش بصوابعه.
5- أبوللو، يعني أبو للو، يعني الشعراء أول اسمهم أبو برضه، أبو شادي وأبو القاسم وكانوا بيتمسكوا بالوحدة العضوية، وبيستخدموا لغة جديدة وألفاظ أجنبية والقافية مزدوجة، وبيحبوا الطبيعة والمرأة عشان كده هي المدرسة المفضلة عندي.
6- المهاجر، جبران وإيليا أبو ماضي، بيتمسكوا بالوحدة العضوية وبيستخدموا اللغة الحية، وعندهم تساهل في اللغة العربية (مهاجرين بقى وإيزي يعني مش هيستخدموا كلام معقرب أكيد).
7- الإحياء والبعث، دي فيها شوقي والبارودي، وبما إنها قديمة فالقصيدة بتقوم على وحدة البيت.
- التعليم موهبة مش مهارة، عشان كده دايما بقولكم ارضوا بأي نتيجة وأكيد عندكم موهبة.