أكد المؤلف عمر طاهر على دعمه للفنان هاني شاكر نقيب المهن الموسيقية السابق، في جميع القرارات التي اتخذها بشأن مؤديّ المهرجانات، وتحديد عملهم.
ونشر عمر طاهر عبر صفحته الرسمية بموقع التواصل الاجتماعي "فيسبوك" قائلًا: "الواحد لازم يعترف أنه ما تعاملش بجدية كافية مع اللي حاول هاني شاكر يعمله مع الشلة إياها.. برضه الواحد مشي عمياني ورا حرية الإبداع والذوق ومافيش حاجة اسمها منع وكل الأفكار اللي من النوع ده"
وأضاف عمر طاهر: "بس بعد شوية وقت وأحداث أقدر أقول إن هاني شاكر عمل أثر يتبني عليه ومش مطلوب أكتر منه.. أنه زرع جوة الناس دي إحساس أنها مش سايبة ودي حاجة في مصلحة الكل.. تتفرج على شاكوش الصبح وهو بيتكلم قدام مجلس النقابة باحترام وأيديه جنبه.. خد الكارنيه وروح بالليل فتح صدره عند المذيع الظريف وهات يا تلويش في حماقي ومدين وغيرهم".
وتابع عمر طاهر: "الدفاع عن حرية الناس دي تقول اللي هي عايزاه محتاج ضوابط واللي ينكر الأذى اللي في خلفية شغلهم محتاج يراجع نفسه.. مش مطلوب ولا مقبول تقعد حد في البيت بس اللي مايشوفش من الغربال يا أعمى يا حافظ مش فاهم يا ساويرس".
وكان مؤدي المهرجانات حسن شاكوش تسبب في جدل كبير بالأيام الماضية، وذلك بعد تصريحه في أحد البرامج بسرقة صناع أغنية "حاجة مستخبية" لحنها من عمل تركي، وهو الأمر الذي نفاه فريق العمل، وأكدوا أن الأغنية التركي مقتبسة اللحن من "حاجة مستخبية"، وتقدموا ببلاغات ضد شاكوش.