كشف الفنان كريم الحسيني للمرة الثانية عن محاولته للوصول للفنان تامر حسني، مؤكدًا أنه لم يستطع الوصول له، مشيرا إلى أنه يبحث عن طريقة للوصول له.

ونشر الحسيني عبر صفحته الرسمية بموقع التواصل الاجتماعي "فيسبوك" صورة منشور قديم له، وعلق عليه قائلًا: "فات سنة على نزول البوست ده وبرضه معرفتش أقابل الفنان المحترم تامر حسني.. حاولت في خلال السنة دي أوصلك والله كل اللي شغالين معاك محدش بيرد.. أوصلك إزاي.. أنا عارف إنك لو عايز توصلي هابقى عندك في المكتب بكرة".

وكان كريم الحسيني نشر منذ عام عبر صفحته الرسمية بموقع التواصل الاجتماعي "فيسبوك" قائلًا: "ممكن البوست ده يوصل للفنان تامر حسني.. يا كل القائمين على الصناعة من 2015 نفسي أوصل للفنان تامر حسني ومش عارف وكل صحابنا المقربين لما بطلب منهم بيقولولي مبررات غير منطقية.. ما علينا ممكن حد يوصلني للفنان تامر حسني عشان عندي أكتر من فكرة مكتوبة له حتة لو كان ماضي 7 أفلام.. أنا هاستنى دوري.. ممكن؟؟".

وعلق تامر حسني عليه حينها قائلًا: "يا أستاذ كريم والله محدش قالي ولا عرفت أنك عايزني غير من البوست دا، أنا تحت أمرك ويشرفني نقعد وأسمع منك إن شاء الله لما أرجع من السفر ويا رب كل الخير ليك في حياتك".