تصدرت الفنانة ليلى طاهر مؤشرات البحث على جوجل بعد تداول أخبار عن بتر ساقها.

ونفت الفنانة الكبيرة  هذه الشائعات مؤكدة أنها  بحالة صحية جيدة قائلة: "أنا لسه عايشة يا جماعة، والله لسه عايشة، ورجلي متقطعتش ولا حاجة، عندي رجلين زي ما هما، مش عارفة هما عايزين إيه بالظبط وكل واحد يكتب على مزاجه كدة ويعلنها على الملأ، وينكد على الدنيا كلها وصاحبة الخبر نفسه، ليه هو إحنا أعداء"

كما أعربت ليلى طاهر عن كرهها للسوشيال ميديا قائلة: "بكره السوشيال ميديا، مابقتش عايزة أبص فيها خالص، وبنصح كل الناس ماتقراش حاجة من السوشيال ميديا، لأنهم مجرد ناس ماعندهاش ضمير وكذابين.. مش أنا لوحدي ده كل الفنانين بيتكتب عنهم إشاعات، وبيكتبوا كلام في منتهى السوء".

وتابعت: "قرأت قبل كدة إنهم دخلوا حسين فهمي مستشفى المجانين.. هما بيشتغلوا على حسابنا، بيكتبوا أخبار سيئة زي دي عشان الناس تدخل وتقرأ إيه اللي حصل والتفاصيل، مين اللي مات ومين اللي اتكسر، ومين دخل مستشفى المجانين ومين جاله زهايمر».