حلت الفنانة صبا مبارك ضيفة بإحدى البرامج التليفزيونية، وكشفت عن العديد من الأسرار حول حياتها الشخصية بالإضافة إلى حديثها عن فيلم بنات عبد الرحمن، وعلاقتها بالسوشيال ميديا.

ومن أبرز تصريحات صبا مبارك التليفزيزنية:

-أرفض الارتباط برجل أقل نجاحا مني.

-مش شرط الممثلة تبقى حلوة المهم تبقى كاريزما.

-بنات عبد الرحمن أول فيلم أنتجه...وهو مجازفة مش ندمانة عليها.

- عرض عليا الفيلم من أربع سنين.. من اللحظة اللي قريت فيها الاسكربت للمرة الأولى اتجننت وقولت لازم أعمله.

- الفيلم متهم بالتشدد في نسويته.. لكن عددا كبيرا من الرجالة شافوا الفيلم وانتصروا لشخصياته.

- رسالة بنات عبد الرحمن.. إن الرجالة مظلومين زي الستات بالضبط في المنظومة والمجتمع.

- العالم العربي به عدم تكافؤ في الفرص بين الرجل والمرأة.

- من أصعب الحاجات في الفيلم إني كنت مضطرة أتخن 10 أو 12 كيلو.. وفوق ده لابسة بدلة بتّخن.

- مبستحملش التنمر عامة.. وشخص مش عاجبك شكله متبصش عليه وسيبوا الناس في حالها.

- هيفاء وهبي ست زي القمر وأرفض التنمر عليها.

- المرأة تعامل بقسوة مع تقدمها في العمر ويتم الهجوم عليها لفقدان جمالها أو زيادة وزنها.

- المشاهير مش بلاستيك دون قلب ومشاعر.. وفي كلام ممكن يجرحهم.

- مش مطلوب من الممثلة تكون ملكة جمال.. وفي ممثلات حلوة زي ياسمين صبري ودرة ودينا الشربيني.

- خروجاتي قليلة والسوشيال ميديا شيء غريب بالنسبة لي.. وأقضى الكثير من الوقت في القراءة.

- لا أحب التسوق وأضطر للقيام به قبل الأدوار التي أمثلها.

- لم أقرر حتى الآن المشاركة في موسم رمضان 2023.