حلت الفنانة المعتزلة زيزي عادل، ضيفة بأحد البرامج التليفزيونية، وتحدثت عن تفاصيل اعتزالها الفن.
ومن أبرز تصريحاتها:
- الناس افتكرت إني اتحجبت وبعدها اعتزلت ولكن دا كان سوء فهم لأني آخر حاجة قدمتها كان ألبوم ديني اسمه سيبها على الله ونزل في رمضان وكنت لابسة حجاب فيه.
- اعتزلت لأني اكتشفت إني هاخد معايا أعمالي وبدأت أفكر إني مش مستعدة أقابل ربنا بـ حياة المطربة، وكنت عايزة أحس إني مستعدة أقابل ربنا لأن محدش صغير على الموت.
- مش صح الست تتحجب عشان زوج لأنه هيكون عن عدم اقتناع.
- قرار اعتزالي من عند الله، وحسيت كأنه بعتلي وقالي سيبي الفن.
- الغناء فيه أسس لازم تتعمل علشان أكون مطربة منها إني أعمل فيديو كليب ويكون معايا موديل، وفي كذا حاجة غلط بتحصل، والفكرة كلها على بعضها حرام.
- بحب أسمع مصطفى حسني وعامله له متابعة من قبل ما أعتزل، ولما قابلته شخصيا ارتحت وناس كتير حسدتني على المقابلة دي.
- ستار أكاديمي كبرنامج فكرته لا تناسب تقاليد مجتمعنا، كان فيه كاميرات في كل مكان، حتى الحمامات كان فيها كاميرات عند المرايات.
- لو رجع بيا الزمن أكيد مكنتش هروح برنامج ستار أكاديمي، عشان دلوقتي بعد تغيير فكري وتقربي من ربنا يخليني أقول إن كان فيه حاجات كتير مكنش المفروض أعملها.