أجرت الإعلامية آية عبد الرحمن، لقاءً تليفزيونيًا، مع أحد الأسر بقرية سنهور، في محافظة البحيرة، والذين أشادوا بدور مبادرة "حياة كريمة" في دعم الأهالي وتغيير وجه الحياة في القرية.

وقال أحد أفراد الأسرة، في اللقاء المذاع على قناة "إكسترا نيوز"، إنه قبل أن تدخل "حياة كريمة" حياتهم، وعندما جلسوا مع مندوبة المبادرة في البداية، كانت مطالبهم بالنسبة لهم مجرد أحلام: "كانت قاعدة بتسأل محتاجين ايه وطلباتكم ايه وبتكتب ورانا، فأنا واحد من الناس سألتها هو الكلام ده ممكن يتنفذ في يوم وليلة؟".

وأضاف: "أنا واحد عندي 57 سنة، طول الوقت كنا كم مهمل بالنسبة للمدينة، وكل طلباتنا كان لازم نروحلها المدينة، أي طلب لازم تروح دمنهور، عايز تطلع بطاقة أو شهادة ميلاد لازم تروح دمنهور، حتى المستشفى لازم نروحلها دمنهور".

واستكمل: "إحنا النهارده بعد الإنجازات اللي اتحققت، والمباني اللي أصبحت موجودة، ده كان بالنسبالي حلم واتحقق، وأولادنا هيحسوا بيه".

وقال آخر: "بوجه رسالة للرئيس عبد الفتاح السيسي، شكرا يا ريس على الإنجازات، وشكرا على كل حاجة حلوة انت عملتهالنا، من طرق ومستشفيات وكباري، وحتى الصرف الصحي والكهرباء، مافيش حاجة طالبنا بيها من سنة إلا واتعملت واتحققت".