أكد الإعلامي والكاتب الصحفي خالد ناجح رئيس تحرير بوابة «دار الهلال»، أنه من واقع نشأته في صعيد مصر، لم يستطع أحدًا أن يفرق بين المسلم والمسيحي هناك، ضاربًا المثل بالمرأة الصعيدية التي تتحجب بـ"الطرحة" والتي لا تفرق بين مسلمة ومسيحية بحد قوله.

وأضاف «ناجح» في برنامجه «كلام ع الرايق»: «بجدد التحدي إن أي حد يعرف يدخل الصعيد ويعرف الست اللي قاعدة أو بتقطف ملوخية في الشارع وحواليها 3 أو 4 ستات يطلع المسلمة من المسيحية».

وتابع: «أتحدى برضو ورجالة الصعيد اللي لابسين الجلابية البلدي حد يطلع مين المسلم من المسيحي.. قطعًا عمرنا ما عرفنا ده إلا مع التفكير الصحراوي الدخيل!».

وهنأ ناجح، في بداية حديثه الإخوة المسيحيين بالكريسماس في أول ظهور له بعد شفائه من الوعكة الصحية التي تعرض لها، كما أعرب عن اعتزازه الشديد بالأشقاء المسيحيين المتواجدين معنا تحت سقف الوطن.

وقال خالد ناجح: «في كل عام يثار الحديث حول إن كانت تهنئة المسيحيين جائزة أم لا.. لكن أنا عن نفسي مش بعيد عليهم لأني بحتفل معاهم أصلًا وبيعيدوا عليا وبيقولوا لي كمان هابي كريسماس».

وتابع ناجح: «كل سنة ومصر طيبة عمر بلدنا ما عرفت التفرقة بين ولادها اللي بيحموها وبيحمونا على الحدود».