تصدرت أغنية "كلمة أخيرة" أولى أغنيات الفنانة ليلى أحمد زاهر قائمة الأكثر استماعاً عبر موقع يوتيوب عقب يوم واحد من طرحها.
وحققت أغنية «كلمة أخيرة» أكثر من 280 ألف مشاهدة عبر موقع يوتيوب، وهي من غناء ليلى أحمد زاهر، كلمات محمد حسن، ألحان وتوزيع إسلام زكي.
وتقول كلمات كلمة أخيرة
أنا من زمان خوفتنى
هزيتلى ثقتى وسبتنى
جيتلك عشان كان نفسى أعيش
وأنا جيا أعيش .. موتنى
بقى دى النهاية وده اللى بتحاسب عليه ؟
أنا من زمان خوفتنى
ولغيت مشاعرى هزمتنى
إزاى هقول .. وبأى عين
شوفتك ف يوم بتحبنى
جاوب سؤالى وقولى مره كسبت إيه ؟
حكايات وعود مين اللى قال .. مش برضه كان إحنا
مين اللى علقنا ف غرام .. و أذانا و جرحنا
حكايات وعود مين اللى قال .. مش برضه كان إحنا
لو كان راحتنا ف الفراق .. ده ياريته ريحنا
و نهاية حبى فيك
فى كلمة أخيرة ليك
محتاجه أنام .. وأصحى ف يوم ألاقي قلبى نسيك
أنا طول حياتى كلها
حابسه مشاعرى لوحدها
قافله عليها الباب عشان
ماتجيبش حد يذلها
أنا كنت فاكرة ده اللى هيجيب الأمان
وأما فتحت الباب لقيت
أذيتها ومعاها إتأذيت
ياريت فضلت لوحدى يوم
ولا حد قرب منها
ولا حد حاول يبقى ليه أصلا مكان
حكايات وعود مين اللى قال .. مش برضه كان إحنا
مين اللى علقنا ف غرام .. و أذانا و جرحنا
حكايات وعود مين اللى قال .. مش برضه كان إحنا
لو كان راحتنا ف الفراق .. ده ياريته ريحنا
شكرآ عشان بإيديك
قطعت علاقتي بيك
مستغربه .. إزاى ف يوم وقفت حياتي عليك
في سياق آخر تشارك الفنانة ليلي أحمد زاهر في السباق الرمضاني 2023م، من خلال مسلسل «تلت التلاته» تأليف هبة الحسينى، وإخراج محمد هشام الرشيدى، بطولة ماجد المصرى، نجلاء بدر، مصطفى درويش، صلاح عبد الله وجارى التعاقد مع باقى الفنانين المشاركين في البطولة والاعلان عن أسمائهم، والعمل لنوعية الدراما الاجتماعية المليئة بالإثارة والغموض.