منة فضالي عن علاقتها بوالدها: عمري ما حسيت أنه بيحبني

تحدثت الفنانة منة فضالي عن تفاصيل علاقتها بوالدها، وقالت إنها لم تشعر بحبه لها من قبل، وذلك بعد أن تركها منذ أن كان عمرها شهرين فقط.

وقالت منة فضالي خلال لقائها في برنامج “Vip”مع الإعلامية أميرة بدر عبر قناة “هي”: "عمري ما حسيت أنه بيحبني نهائي، مع أني حاولت أقرب منه بس هو مساعدنيش، كان بعيد طول الوقت، معرفش يمكن عشان متربتش معاه ومتعبش عليا".

وأضافت منة فضالي: "عملت حاجات كتير عشان أقرب منه، مهما بتعملي بيكون الموضوع صعب، الحب والمشاعر محدش بيعلمهم لحد، ومن قريب كنت بعمل مسرحية في السعودية وهو عايش هناك وكلمته يجي يقعد معايا، ولقيت نفسي بقوم كل شوية مش عايزة أقعد معاه مش لاقيه حاجة أقولها".

واختتمت: "المسرحية كان المفروض هيحضرها وأنا اتلهيت ونسيت أقوله، وقتها قولت لنفسي معقول أنسى أعزم أبويا، أنا بحب أبويا لأنه أبويا وبحترمه لكن مش زي أمي".