قال الفنان محمد صبحي، إنه امتنع عن مشاهدة دراما رمضان، كما كشف موقفه من مشاهده والمشاركة في برامج المقالب الشهيرة.
وتابع محمد صبحي خلال لقائه مع الإعلامية أميرة بدر ببرنامجها “VIP” المذاع على شاشة “هي”: مبتفرجش على مسلسلات رمضان لأن عندي مسرح وبروفات، وده مش تقليل، ومعنديش وقت، وحياتنا اتغيرت في رمضان ممارستنا لشعائر رمضان اتغيرت ، الظروف الحياتية اتغيرت.
واستكمل محمد صبحي: بقى عندنا ثابت مسلسل كوميدي وحاجات ثابتة، وبرنامج يجيب الناس يهزقهم، وده عصر التفاهة، بعمل بلوك لأي متجاوز على السوشيال ميديا، المسدس والفيس بوك أخطر اختراعين في العصر الحديث، المسدس جعل الجبان يهدد الشجاع، والفيس بوك جعل الجاهل يصحح للمثقف، بقول لتلاميذتي أعمله بلوك متسمحش لحد يهين عقلك، المفروض اكسب منه معلومة .
وأضاف محمد صبحي: مبشوفش البرامج الهبلة المقالب وبقلب عليها على طول، مهينة للي عارف ورايح ، كان عندنا برامج مقالب الله يرحم إبراهيم نصر وكان بيتضرب وعمره ما هان ضيف، وإسماعيل يسري برضو.
برنامج "vip" يذاع يوميا في شهر رمضان على شاشة "هي" وتقدمه الإعلامية أميرة بدر في تمام السابعة مساءً، وتستضيف من خلاله عددا من نجوم الفن والرياضة في مصر.