تلقى برنامج "أبواب الخير" مع الإعلامي د. عمرو الليثي،  بإذاعة راديو مصر في شهر رمضان، اتصالًا في حلقة اليوم الإثنين، من أحمد مصطفى من الشرقية محتاج سماعة أذن لزوجته بتكلفه 9 الآف جنيه، وهو أرزقي باليومية لديه 3 أولاد، زوجته مريضه حصلها ضعف في العصب السمعي ونفسها في سماعة أذن عشان تقدر تراعي بيتها وأولادها، وهو ما تكفل به البرنامج. 

والفقرة الثانية تلقى الليثي اتصال من عاطف محمد عنده 38 سنة، محتاج لبنته عملية قلب مفتوح  بتكلفة 80 ألف جنية، عاطف شغال أرزفي وعنده عجز في رجله، متزوج وعنده ولد وبنتين منهم بنت اتولدت بعيوب خلقية فى القلب ولف بيها على كل الدكاترة وقالوا أنها لازم تعمل عملية قلب مفتوح بتكلفة 80 ألف جنية وهو ما تكفل به البرنامج. 

والفقرة الثالثة والأخيرة تلقى البرنامج اتصال حبيبة سعيد، محتاجة عملية مياه بيضاء لوالدتها بتكلفة 12 ألف جنية، 
حبيبة عندها 21 سنة بتشتغل عاملة فى مطعم، والدها والدتها منفصلين وهى عايشة مع والدتها، أم حبيبة بقالها 4 سنين بتشتكي من عنيها الإتنين وكل الدكاترة قالولها لازم تعمل عملية مية بيضة فى عنيها الإتنين بتكلفة 12 ألف جنية، و تكفل البرنامج بتكاليف العملية. 

«أبواب الخير» برنامج خدمي خيري يرسم البسمة علي وجوه أهالينا ويلبي طلبات المواطنين في شتي محافظات الجمهورية. 

ويتلقى مكالمات المستمعين ويحقق لهم أمنياتهم وأحلامهم فزي كل حلقة، ويقدم البرنامج خلال شهر رمضان هذا العام عدد كبير من الشقق، ورحلات العمرة، وأجهزة عرائس، ومشاريع صغيرة، وعمليات مجانية لغير القادرين.

يذاع برنامج "أبواب الخير" على الهواء خلال شهر رمضان يوميًا في الثالثة عصرًا ولمدة ساعة من الأحد الى الأربعاء بإذاعة راديو مصر.