أعربت سيدة تدعى "أم محمد" عن استيائها من معاملة زوج ابنتها معها، موضحة أنّها تكرهه ولا تطيق رؤيته وتريد تطليق ابنتها منه.
وقالت "أم محمد" خلال اتصال ببرنامج "فتاوى" مع الدكتور عصام الروبى الداعية الإسلامي، المذاع عبر فضائية "الحياة": "زوج بنتى ده مبحبوش وعايزة أطلق بنتى منه وأنا ست متدينة، وعايز أعرف حكم الدين لو أنا طلقت بنتى منه، أنا مبطيقهوش ومش قابلاه وهو عمل حركات وحشة أوى أوى معايا وأنا ست متدينة وبروح الجوامع وبصلى".
وردّ الدكتور عصام الروبى على المتصلة قائلًا: "أنتى زعلانة خلى زعلك مع نفسك وخلى بنتك عايشة مع جوزها، بلاش تطليقها وتخربى عليها علشان سعادتك كارهة زوجها، وخلى الأمور ماشية بتوفيق من الله، وهذا لا يجوز من الناحية الشرعية، ولا تتصيدى له الأخطاء، ولا تغلقى صدر ابنتك على زوجها".