حققت أغنية "هرمون السعادة " من فيلم «تاج» المقرر عرضه في موسم عيد الأضحي للفنان تامر حسني علي المركز الخامس في قائمة الأكثر استماعا علي موقع الفيديوهات الشهير يوتيوب.

وحصدت "هرمون السعادة" علي 2 مليون و540 ألف و514 مشاهدة منذ 15 ساعة من طرحها علي اليوتيوب.

أغنية "هرمون السعادة" من غناء تامر حسني، وكلمات أحمد جابر، وألحان علي الخواجة

كلمات الأغنية

 مسيلي على الحبايب

الحاضر واللي غايب

القعدة الليلة حلوة

والسكر فيها دايب

كل الصحبة الجميلة

متجمعين في ليلة

مش هنسيب حد يمشي

لسه السهرة طويلة

ما تيلا بينا نعيش شوية

لسه السنين الحلوة جاية

والحزن بح من النهاردة

عايزين دلع في كل ثانية

أرجوك ده إحنا استوينا

أرجوك ده إحنا اتهرينا

إيه يا عم الحظ مالك

ما تحس شوية بينا

ويا هرمون السعادة

اليوم ده ملوش إعادة

لو هتشربنا قهوة

أرجوك ماتكونش سادة

والجدير بالذكر أن أحداث فيلم «تاج» تدور في إطار كوميدي مليء بالأكشن والخيال، حول تامر حسني الذي يجسد شخصيتين لأخوين توأم «super heroes» اسمهما تاج وهارون، ويمران بالعديد من الأزمات مع تتابع الأحداث.

ويشارك في فيلم تاج بجانب تامر حسني، كل من دينا الشربيني، ساندي، أحمد بدير، هالة فاخر، وليلى عز العرب، والعمل من تأليف تامر حسني وإخراج سارة وفيق.