تحدثت الفنانة ومقدمة البرامج سارة نخلة عن طبيعة العلاقة بين الرجل والمرأة في حدود الصداقة فيما يسمى "البيست فريند" خاصة في حالة إذا كان الرجل متزوج قائلة: "الرجل متعدد التجارب البنات بتحبه واجتماعي".

وعلقت "نخلة" على رد فعل الفتيات في مشكلاتهم العاطفية قائلة: "كل ممنوع مرغوب طالما اتجوزتي راجل وهو عنده صداقات مع بنات وانتي وافقتي من الأول يبقي تسكتي، طالما يعرف البنت دي بقاله سنين مينفعش تمنعيه عنها علشان هيجي في يوم من الأيام ويقولك انتي خسرتيني فلانة".

وأوضحت نخلة معددة مميزات الرجل متعدد العلاقات العاطفية: مبقاش في راجل في الحياة معندوش تجارب لو اتعرفتي على راجل مشفش حد في حياته ومتعرفش على حد هيبقى معقد، واللي معندوش تجارب مش هيعرف يتعامل معاكي.

ووجهت نصيحتها للفتيات: "عادي يبقى عنده صديقات دا مؤشر أن الراجل دة محبوب والبنات بتحبه اجتماعي بيحب يبقي عنده صحاب، فدا بالنسبالي مؤشر حلو أوي والأحسن يكون عنده قبلك تجارب عاطفية، في بنات كتير بستغربها بتقولك أصل هو كان بيحب واحدة قبلي أو على علاقة حب أو ارتباط أو خطوبة".

برنامج “ FACE OFF” تقدمه سارة نخلة على شاشة “هي” يوميًا من السبت إلى الاثنين، وتستضيف خلاله عددًا من نجوم الفن، وتناقش القضايا المطروحة يوميًا بين الجمهور.