تحدث الملحن محمد رحيم، عن الديو الغنائي الذي جمع الفنان محمد منير، مع الفنانة اللبنانية ميريام فارس، بعنوان «الساحل الشمالي» وحقق أكثر من مليون مشاهدة بعد 24 ساعة من طرحه.

الملحن محمد رحيم

وقال رحيم، في تصريحات إعلامية لبرنامج "إي تي بالعربي": "ميريام فنانة مجتهدة وشاطرة، وعندها طبعاً جمهور كبير بيحبها، ورغم إني مش حابب أعلّق على أي موقف سلبي حصل قبل كده، لأنها أصلاً عٍشرة عمر، وهي زي أختي وإنسانة طيبة ومجتهدة ومحترمة فعلاً"، في إشارة إلى تصريحات سابقة لها عن عدم إحيائها حفلات في مصر بسبب أجرها المرتفع.

وأضاف مؤلف وملحن وموزع "الساحل الشمالي" محمد رحيم،: "قد تكون مثلاً قالت كلمة في موقف، أنا واثق مليون في المية أنها طبعاً ما تقصدهاش، بدليل إن أغنية "الساحل الشمالي" لما اتعرضت عليها رحبت بالفكرة وسعت إن المشروع يتم، الغنوة فيها كلمة واضحة وصريحة وكلها حب للجمهور في مصر، ومصر طبعاً بلدنا العظيمة اللي مفيش فنان في العالم يقدر ينسى دورها وأهميتها وفضلها الكبير على العملية الفنية، دي حاجه طبعاً مش محتاجين نتكلم فيها، ومش محتاجة أي مزايدة من حد".

واختتم محمد رحيم، تصريحاته قائلاً: "فيه مقطع هي بتغنيه بيقولوا مصر حلوة، لا بيقولوا مصر جنة، الغنوة نفسها بتقول كده كمان، وبتغنيها باللهجة الإسكندرانية، وهي غنتها بشكل كويس والناس حبت الموضوع، دي رسالة حب، احنا عاوزين دايماً نقرب من بعض كشعوب وكبلاد، ونبقى دايماً محافظين على مسافة الحب دي، الأغنية كأنها دعوة حب، وفيها غزل متبادل ما بين البلدين اللي بيحبوا بعض مصر ولبنان".