تعرض تامر يحيى، مدير أعمال الفنان تامر حسنى، لحادث سير أدى إلى تحطم سيارته ونشر تامر يحيى عبر حسابه الشخصي على موقع التواصل الاجتماعي فيس بوك صورة للحادث.

وعلق تامر يحيي على المنشور قائلا: "مافيش كلام ينفع يتقال غير الحمد لله وبشكرك يا رب على كل حال وفى كل حال ومن أجل كل حال وعلي كل تجربة صعبة أنت بتحطني فيها علشان تفكرني دائمًا بوجودك في حياتي وبتكون رسالة سواء أنت بتحبني وبتفديني من حاجة أكبر كان ممكن تحصل ليا أو لحد غالي عندي أو بتكون عايز تفكرني أنا فيه خطأ في حياتي محتاج انتبه ليه وأصلحه والحمد لله أنا عندي إيمان شديد بتجارب ربنا ونعمة الكبيرة في حياتي".

وأضاف مدير أعمال تامر حسني كاشفا تفاصيل الحادث: «أنا ومحمد السواق الجميل اللي معايا ربنا نجانا من الموت امبارح في حادثة من أكبر الحوادث اللي عملتها في حياتي وإحنا راجعين من العلمين الساعة 1.30 ظهرا فجأة ظهرت عربية نقل قدامه واقفة في نص طريق وادي النطرون في الحارة الثالثة وهو كان قبلها بثواني بيحاول يشغل حاجة في الشاشة اللي قدامه فمكانش في كامل تركيزه على الطريق وما قدرش يتفاداها».