أهدى محمد صلاح كابتن المنتخب الوطني، قميص  المنتخب الوطني، إلى الرئيس عبدالفتاح السيسي، وذلك عقب تفقده لاستعدادات المنتخب الوطني لنهائيات كاس أفريقيا.

وقال صلاح: "بنشكر سيادتكم على الدعم حضرتك بتدعمنا والدكتور أشرف صبحي يبلغنا دائمًا بهذا الدعم.. وبصراحة في تحسن كبير في المنظومة كلها.. ودائمًا بيساعدونا على كل حاجة.. وخلال البطولة هنبذل كل المجهود.. البطولة الماضية مكناش محظوظين.. علمنا كل اللي علينا".

وأضاف: "أنا مبسوط من أداء البطولة الماضية وان شاء نعمل حاجة في البطولة دي.. وبنشكر حضرتك على الدعم والمنظومة قبل المشاركة.. وإن شاء الله نقدر نعمل حاجة كويسة".

ورد عليه الرئيس السيسي قائلًا: "إن شاء الله ترجعوا منصورين وموفقين وعاوز أقولكم على حاجة.. انتوا ليكم تأثير كبير جدا وده موضوع تاني بغض النظر عن المكسب والخسارة.. بقول لكم جميعا.. حجم التزامنا وسلوكنا الطيب يكون لها تأثير على كل اللي بيتفرج علينا جوه مصر وبره مصر.. انتوا بتصدروا صورة جميلة لكل اللي بيتفرج عليها وحافظوا على النقطة دي.. الصورة جميلة وراقية وتعكس صورة مصر وحضارة مصر وده كله في رقابتنا".

وكان الرئيس عبد الفتاح السيسي قد تفقد منشئات المدينة الأولمبية الدولية بالعاصمة الإدارية.