حل الفنان عصام كاريكا ضيف مع الإعلامية مني الشاذلي في برنامج«معكم» وكشف عن أسرار عديدة عن مسيرته الفنية وحياته الشخصية، نستعرض لكم في السطور التالية أبرز تصريحات عصام.

- زعلت من نفسي لما قدمت أغنية حب إيه بفيلم «اللمبي» ولو رجع بيا الزمن هرفض. 

-فيلم اللمبي لما أتطرح كتير من المثقفين هاجموني وقالوا عصام كاريكا بهدل الأغنية وإزاي يشوه أغنية أم كلثوم.

-محمد سعد زعل ومشي وكلمت المنتج أشرحله الوضع، قالي مشي الفيلم عشان خاطري.. وغيرنا كلمات الأغنية ونجحت.

-فكرة أغنية البسكلتة لمحمد سعد وعبلة كامل بتاعتي، والشاعر الغنائي هو اللي كتبها.

-متعاملش أنا ومحمد سعد من وقت أغنية «أول ما عرفت إنك» في فيلم «بوحة»، عشان طلب يغير كلمات الأغنية، وأنا قولتله يا عم مينفعش.

-أنا عملت كتير والناس فاكراني بـ شنكوتي بس.

-عمري ما لبست بدلة إلا في فيلم عايز حقي.. وفي فرح بنتي كانت تاني مرة وكنت متكتف بسبب البدلة الرسمية.