تحدثت الفنانة أسماء جلال عن حياتها الشخصية، موضحة أنها استمرت لعدة سنوات تحب شخصاً، لكن من طرف واحد.
أضافت أسماء خلال حوارها في برنامج "معكم منى الشاذلي" على قناة ON، قائلةً: "وأنا صغيرة حبيت شخص ما من طرف واحد.. قعدت سنين كتير أوي بحبه بس هو مش عاوزني بإرادته"، ثم أضافت: "أموت وأعرف هو فين دلوقت".
على صعيد آخر، كشفت أسماء جلال عن حبها الشديد للمطرب وائل جسار منذ صغرها، قائلةً: "بحبه جدا.. كنت الشخصية الملزقة اللي بحط صوره في كل حتة، وبعدين الموضوع تطور وبقيت غريبة الأطوار جدا وبقيت أحضر حفلاته كلها".
وأكملت : "بقى لما يعمل حفلة أكون أول واحدة عارفه مكانها فين وأحجز ترابيزة كاملة ليا عشان أركز معاه.. وكنت ألبس فستان حتى لو الناس حواليا لابسة عادي عشان يشوفني.. مع إنه متجوز .. فمش فاهمة أنا كنت بعمل ايه".
وتابعت: "طبعاً ولا أخد باله مني خالص.. لحد ما في مرة أعتقد خاف مني وقتها، لأن روحت له كنت عاوزة أتصور معاه، فقلت له عارف إننا هنتجوز؟ قالي والله!!.. كنت صغيرة والله العظيم وقتها يا جماعة.. لسه بحبه بس مش بعمل زي زمان، وربنا يبارك له في مراته وولاده".
وتعيش أسماء جلال حالة كبيرة من النشاط الفنى، حيث تنافس خلال موسم أفلام عيد الأضحى 2024 بفيلمين، الأول اللعب مع العيال الذى تقدم فيه بدور البطولة النسائية أمام محمد عادل إمام، وتجسد في أحداثه شخصية فتاة بدوية تتعرف إلى إمام وتقع في حبه، والفيلم الثاني هو "ولاد رزق 3 – القاضية" والذي تلعب فيه دور سيدة تدير مكان سهر وتربطها قصة حب مع عمرو يوسف.
فيلم ولاد رزق - القاضية، بطولة أحمد عز، عمرو يوسف، آسر ياسين، محمد ممدوح، كريم قاسم، علي صبحي، سيد رجب، محمد لطفي، نسرين أمين، أسماء جلال، وعدد من ضيوف الشرف على رأسهم النجم كريم عبد العزيز، والفيلم من تأليف صلاح الجهينى وإخراج طارق العريان.