حرص وائل رياض، لاعب النادي الأهلي السابق والمدير الفني الحالي لمنتخب الشباب، على إحياء ذكرى رحيل محمد عبد الوهاب، نجم الأهلي السابق، والذي ودع عالمنا فى مثل هذا اليوم 31 أغسطس من عام 2006.

وكتب وائل رياض عبر حسابه على إنسجرام، "كنا سهرانين مع بعض بنحضر أغنية اعتزال سيد عبد الحفيظ، قالي بات معايا النهاردة ونروح سوا التمرين الصبح قولتله يا بوبا أشوفك بكرة يا صاحبي وروحت البيت، تاني يوم كنا في التمرين الساعة 9 الصبح في التتش، عملنا التسخين وبدأنا التقسيمة ومرة واحدة وقع فى الملعب".

وأوضح  شيتوس، "صراخ وزعيق هاتوا الإسعاف اطلبوا الإسعاف، عربيتي كانت راكنة ادام الملعب، طلعت جري وشيلناه ودخلناه العربية وركب جنبي كابتن حسام البدري وورا عالكنبة عبد الوهاب والدكتور إيهاب علي اللي بيزعق وبيقوله فوق يا عبد الوهاب، وصلنا المستشفي وبعد شوية بلغونا بالخبر (مات عبد الوهاب)، أصعب لحظة مرت عليا في حياتي الكروية، ٣١-٨-٢٠٠٦، في الجنة ونعيمها يا عبد الوهاب وعمرنا مهننساك".