تصدر الفنان نور النبوي تريند جوجل، خلال الساعات الماضية، ذلك بعد ظهوره ضيف في برنامج  ABtalks  مع الإعلامي أنس بوخش، وتحدث عن أسرار في حياته الشخصية والفنية، وإصراره في إثبات موهبته لجميع الأشخاص.

وكشف نور النبوي خلال الحلقة عن رحلة دراسته في فرنسا وسبب اتجاه لمجال التمثيل، قال:«والدي كان في البداية رافض أن ادرس تمثيل، سافرت إلي فرنسا ودخلت كلية اقتصاد وعلوم سياسية، بس سقطت سنتين، علشان مكنتش حابب مجال الدراسة ده، واشتغلت في المسرح ببلاش أقطع تذاكر وأرجع أشوف أفلام، وفي الفترة دي اكتأبت ووزني زاد وبطلت أروح الجيم، وقررت أرجع أدرس في القاهرة، والدي قالي هات ورقك وتعالى نطلع أمريكا نقدم في جامعة، لو قبلوك تقعد وأنا أدفع المصاريف».

وتابع نور: «روحنا لوس أنجلوس وكنت عايز أدخل مسرح تمثيل وإخراج، ووالدي قال أنا والعيلة شايفينك مخرج سينما، في دخلت قسم إخراج، قررت أقعد في أمريكا وأبقى ملتزم لمدة 3 شهور، وخلال 3 شهور كنت كل يوم أصحى الساعة 4 الصبح، وأشتغل على نفسي من الساعة 8 للساعة 12، وأسمع عبد الحليم حافظ لمدة ساعة وأنا بطبخ، وبعدها أروح الجيم وأرجع أتفرج على مسرحيات وأفلام، وألزق الموبايل على الحيطة وأصور نفسي في تجارب تمثيل».

وتحدث النبوي عن طريقة اعتمده عن نفسه في فتر سفره خارج البلاد:«أبويا كان بيصرف عليا وعايز أنا أعتمد على نفسي، فاشتغلت في محل أكل مشهور في أمريكا أسبوعين، لكن كان كله أسبان بيشتموني وأنا مش فاهم حاجة، واشتغلت كاشير في محل أيس كريم عند عيلة فرنسية ومسحت الحمامات، وكل يوم وأنا بخرج الزبالة أمسك الكيس وأقول بكرا هتشوفوا ده هيبقى إيه».

آخر أعمال نور النبوي 

الجدير بالذكر أن الفنان نور النبوي شارك في السباق الرمضاني الماضي من خلال مسلسل«إمبراطورية ميم» والعمل مأخوذ عن قصة قصيرة تحمل نفس الاسم، للكاتب الكبير إحسان عبد القدوس، وتدور أحداثه حول مختار أبو المجد، الأب الذي يتحمل مسئولية تربية أبنائه الستة، بعد وفاة زوجته.

المسلسل من بطولة النجم خالد النبوي، نشوي مصطفي، حلا شيحا، محمد محمود عبد العزيز، محمود حافظ، إيمان السيد، والنجوم الصاعدة؛ نور النبوي، مايان السيد، هاجر السرّاج، إلهام صفي الدين، يارا عزمى، نورهان منصور، والأطفال؛ آدم وهدان ومنى زاهر وعمر حسن، والمسلسل من إخراج محمد سلامة.