تصدرت الفنانة ريهام عبد الغفور محركات البحث جوجل، خلال الساعات الماضية، بعد حديثها عن آخر ساعات قبل وفاة والدها، في أثناء لقائها بأحد البرامج التليفزيونية.

وقالت الفنانة ريهام عبد الغفور:« فقدان أب طيب وحنين شيء قاس، خاصة أن طريقة الوفاة كانت قاسية جدا، كان جاي يتغدى معايا، فكلمته قبل وفاته بـ3 دقائق، وبعدها جاتلي مكالمة أنه عمل حادثة، ملحقتش أودعه، أبويا كان بيضحك في غُسله، واتخضيت لأني افتكرته صاحي، ربنا يرحمه وهو أكيد مبسوط في الجنة».

تابعت: «والدي توفي بعد ما عدى 80 سنة، لكن كان شاب طول الوقت، ولما توفي مكنتش مصدقة سنّه، لأن هو اللي كان بيعلمنا ومعتمدين عليه في كل حاجة».

وأضافت ريهام عبد الغفور: «باتمنى أكون شبهه في أخلاقه وإنسانيته، وهو كان شخص عظيم أوي، وكريم، ونبيل، وبيتعامل مع الناس كلها بحب غير طبيعي، وأكتر شخص في الدنيا عمره ما خذلني ولا خذل حد من أولاده، وعمر ما حد طلب منه أي حاجة وأتأخر عليه، بالعكس وكان هو الأب المثالي، متفهم أوي وحنين بشكل مبالغ فيه، وهو شخص عايش للآخرين مش بيعمل حاجة لنفسه خالص».