حرص حسين الشحات لاعب النادي الأهلي على دعم اللاعب احمد فتوح لاعب الزمالك، عبر صفحته الرسمية على الفيسبوك.

وأكد حسين الشحات، في بيان نشره عبر حسابه الرسمي على موقع التواصل الاجتماعي "فيس بوك": "بسم الله الرحمن الرحيم والصلاة والسلام على رسول الله، {واتَّقُوا يَوْمًا تُرْجَعُونَ فِيهِ إِلَى اللهِ ثُمَّ تُوَفَّى كُلُّ نَفْسٍ مَّا كَسَبَتْ وَهُمْ لاَ يُظْلَمُونَ}".

وأشار: "أنا عايز اتكلم في موضوع كلنا بقينا بنتكلم فيه بس محدش حاسس بحاجه الموت بقا قريب مننا كلنا وناس كتير بقت تموت من كتر الضغط النفسي وشوفنا أخونا وصاحبنا أحمد رفعت ربنا يرحمه يا رب، وشوفنا الأب الروحي إيهاب جلال، ربنا يرحمه يا رب".

وتابع: "أنا كنت من فتره قريبًا لـ مشكلتي مع الشيبي وكان عليا ضغط ربنا وحده إلا كان عالم بيا وطلعت واعتذرت، ودلوقتي مش عايزين نوصل موضوع أخويا أحمد فتوح لكده ونرجع نقول بعد كده يا ريت كنا خفينا عليه فتوح غلط".

وأكد: "قال أنا غلط مش لازم نتكلم ونقول لا أنت غلطان ونضغط عليه أي راجل لما بيطلع يعتذر ويقول أنا غلط سامحوني أولادي حاجه كبيره جدا عند ربنا والراجل طلع وقال أنا غلطان وعايز يروح لأهل الميت ربنا يرحمه يا رب ويصبر أهله وأولاده يا رب، مش كل شويه نطلع ونقول حسين أنت شتمت حسين أنت غلط".

وأضاف: "نفس الكلام فتوح مش كل شويه نطلع ونقول أنت غلطان أدعي لـ فتوح ربنا يهديه ويسامحه ادعي لـ حسين ادعي لـ أي إنسان بيغلط، كل بني آدم خطاء وخير الخطائين التوابون، ربنا يهدينا جميعا ويسامح الجميع يا رب، الدنيا مش مستاهلة".

وتابع: "واتقوا يومًا ترجعون فيه إلى الله ثم توفى كل نفس ما كسبت وهم لا يظلمون ترقبوا وخافوا يومًا يردكم الله سبحانه وتعالى إليه فلا تملكون من أموركم شيئا فيه).. فما ظَنّكُم بِرَبّ العَالمِين".

وأختتم: "اللهمّ إنّا نظن بك غفراناً وعفواً... وتوفيقاً ونصراً.. وثباتاً وتيسيراً.. وسعادةً ورزقا.. وشفاءً وحُسْنَ خاتمة.. وتوبةً نصوحاً وعتقاً من النار.. فهْب لنا مزيدًا من فضلكَ.. يا واسِع الفضل والعطاء.. اللهم فرج كرب المكروبين واقض حاجات السائلين وتب على العصاة والمذنبين من أمة محمد اجمعين يارب العالمين قولوا آمين".