وجه الفنان الشاب علاء عرفة، رسالة للمخرج عمر المهندس، وذلك بعد النجاح الكبير الذي حققه فيلم "سيكو سيكو"، الذي تم عرضه ضمن أفلام عيد الفطر 2025.
ونشر علاء عرفة عبر حسابه على موقع التواصل الاجتماعي "إنستجرام"، مجموعة صور من الكواليس، وكتب: " البوست ده مختلف شوية، اللي في صورة ده عمر المهندس حبيبي وأخويا و دفعتي و عشرة عمر أكتر من 18 سنة .. الفرق بين الصورتين اللي فوق بعض دول 8 سنين".
وتابع: "الصورة الأولي سنة 2018 : كنا بنصور إعلان و عمر كان المخرج و أنا كنت مهندس ديكور معاه في الproject ده .. وكنت ساعتها بشتغل كذا حاجة في نفس الوقت زي الproduction و art ditection .. ف ساعتها عمر قالي انا بعمل إعلان صغير كده تيجي تعمل art direction".
View this post on Instagram
A post shared by Alaa Arafa - علاء عرفة (@arafa_a)
وأضاف: "الصورة الثانية سنة 2024 : كنا في لوكيشن تصوير فيلم سيكو سيكو .. و طبعاً عمر كان المخرج بس المرة ديه أنا بمثل في الفيلم .. و هو بيحضر الفيلم قالي في دور معين كده عاوزك فيه .. يمكن المرة ديه دوري في الفيلم ظهور خاص .. بس أنا أصريت نتصور نفس الصورة، و إن شاء الله حتي لما يكون بيخرج فيلم من بطولتي هانتصور نفس الصورة، و كل ما نشتغل مع بعض نتصور نفس الصورة ".
كما حرص علاء عرفة على دعم المخرج عمر المهندس، قائلاً: "عمر من المخرجين المهمين علي الساحة دلوقتي و قدر يثبت نفسه في زمن قصير جداً .. بس ده مجاش من فراغ ده تعب سنين و شغل و صبر كتير قوي … و هو بيهتم بأقل و أدق التفاصيل و ده اللي مخليه يستحق النجاح اللي وصله .. أنا فخور بيك قوي و بنجاحك و بنجاحنا و إن شاء الله اللي جي أحلي و أكبر و أجمد".
فيلم سيكو سيكو
قصة فيلم سيكو سيكو تُقدم في إطار كوميدي اجتماعي، حيث تدور أحداثه حول شابين يعمل أحدهما في شركة شحن والآخر لاعب ألعاب فيديو، ثم يتورط كلاهما في مشكلة تقودهما لمنعطفات خطيرة وتحمل مفاجآت عديدة، فيحاولان الخروج منها بأقل الخسائر.
فيلم سيكو سيكو بطولة عصام عمر، طه دسوقى، على صبحى، باسم سمرة، خالد الصاوى، تارا عماد، ديانا هشام، أحمد عبدالحميد، محمود صادق حدوتة وعدد آخر من الفنانين، والفيلم تأليف محمد الدباح وإخراج عمر المهندس.