كشف مطرب المهرجانات حمو بيكا، تطورات الأزمة بينه وبين نقابة المهن الموسيقية بعد اصدار قرار بوقفه عن الغناء بعد اتهامه بالإساءة بعد غناء أغنية غير لائقة، وتم التحقيق معه أمس فى النقابة.
قال حمو بيكا في فيديو له عبر حسابه الشخصي بموقع التواصل الاجتماعي فيسبوك:"الأغنية قلتها عادي وعمري ما أغلط وكنت بخدم في جيشي، ولو أعرف إن فيها ضرر أو غلط، عمري ما هنطقها، دي أغنية متداولة على يوتيوب وكل المطربين الشعبي بيغنوها، بس لما جيت غنتها الدنيا اتقلبت عليا".
وأضاف: "لازم أوضح الرسالة دي عمري ما أقدر أغلط في بلدي، وفي أي حفلة بأي بلد برفع علم مصرعلى كتافي وببقى فخور، لو أعرف وغلاوة بنتي تاني عمري ما كنت هغنيها مش بقول كده عشان أرجع شغلي، رجعت مرجعتش طالع بقول إن عمري ما أغلط في بلدي، عملتوا حاجات كبيرة أنا مش قدها، آه مش بعرف لا أقرأ ولا أكتب بس بسمع اللي بيتقال".
اختتم حمو بيكا حديثه: "ليه تكبروا المواضيع معايا أنا بالذات، أنا مش حمل أي حاجة ولو أي حاجة هتبعدني عن بيتي وبنتي مش عايزها نهائي خالص، وياريت اللي بيكتب بلاش توصل الكتابة في حتة مش بتاعتنا، نخدم بلدنا برقبتن".