أعلنت الفنانة حلا شيحة عن تقديم برنامج ديني جديد بعنوان "رحلتي مع القرآن" على قناتها الرسمية بموقع الفيديوهات الشهير اليوتيوب، ومن المقرر أن تحدث فى البرنامج عن تجربتها مع القرآن وكيف انتشلتها الآيات من الأزمات التي لحقت بها، كما أكدت أنها تفضل دائما الحديث عن الله والتدبر في آياته.
نشرت حلا شيحة فيديو على قناة موقع الفيديوهات الشهير اليوتيوب، وقالت فيه:"أكتر حاجة بحبها، حب ربنا والتدبر والتفكير في آياته، ليه منعملش أول فيديو نتكلم فيه عن القرآن الكريم، وسر ارتباطي بالقرآن وإيه الحاجات اللي خلتني أحب القرآن الكريم، ولما بعدت عن ربنا قدرت أرجع تاني لأن الآيات جوايا".
وأضافت:" ومفيش حد بيحس بآيات ربنا من جوه وبيبعد، وحتى لو بعد بيبقى عايز يرجع تاني، أنا هتكلم عن رحلتي مع القرآن مش من منطق الداعية أو المفسرة من منطلق التجربة، بعض الآيات أثرت فيا، وربنا هو اللي جميل وهو اللي بيهدينا، إحنا بنطلب الهدايا دايمًا من ربنا ولازم نُحسن الظن في الله".