يحل الفنان آدم الشرقاوي ضيفًا على برنامج "معكم منى الشاذلي" في الحلقة المقرر إذاعتها مساء اليوم الخميس على قناة "ON".
وتحدث الفنان آدم الشرقاوي خلال الحلقة عن الوعكة الصحية التي تعرض لها والتي أدت إلى دخوله نوبة من الاكتئاب والعزلة.
وينصح الشرقاوي متابعيه ألا يستسلموا للتعامل مع الهواتف المحمولة وعدم التعامل مع البشر بشكل طبيعي لأن ذلك يساهم بشكل سلبي في زيادة أزمات الدماغ والتشتت الدائم، يقول الشرقاوي إنه يستعد للعودة مجددًا لنشاطه الفني بعد تجربة المرض القاسية.
وفي وقت سابق، أعلن الفنان آدم الشرقاوي عن تعرضه لوعكة صحية، وكتب رسالة مؤثرة لجمهوره عبر حسابه الرسمي على موقع تبادل الصور والفيديوهات إنستجرام قائلا:"كان ليا فترة طويلة ما نزّلت بوستات، بس كنت محتاج أخد بريك، من سنتين كنت تعبان جدًا، كنت قريب من 110 كيلو، ما كنتش قادر أتنفس كويس، عندي ضباب في الدماغ لدرجة إني ما كنتش فاكر أيامي بوضوح، آلام في المفاصل لدرجة إني ما كنتش قادر أقف كتير، والأسوأ إني كنت عندي جلطات دم في رجلي، وجسمي كله كان منتفخ بسبب مشاكل في الكلى".
وتابع الشرقاوي:"كنت بكره كل حاجة في نفسي، وما كنتش بعرف نفسي خالص لما أبص في المرايا، دلوقتي أقدر أقول إني أصحّ من أي وقت فات، رجعت لوزني الطبيعي 80 كيلو، بحس إني رياضي أكتر من أي وقت، موجود جدًا في اللحظة مفيش ضباب دماغ، وكل أعضائي شغالة تمام، حتى لما كنت عندي مشاكل صحية".
وأضاف:"ربنا تفضل عليّ بفرص كتير، ولما حسيت إني صحتي اتحسّنت، استغليت الفرص دي. أنا شاكر لحياتي ولكل تحدي واجهته، بشكر ربنا إنه خلاني أمر بالتجربة دي عشان دلوقتي عندي نظرة جديدة للحياة وحاسس إني مش ممكن أتحطّم، شكرًا لكل الناس اللي بتدعمني، متحمّس إني أشارككم اللي كنت بشتغل عليه".