استغاثت الفنانة نجوى فؤاد بوزير الثقافة الدكتور أحمد فؤاد هنو، وذلك لمرورها بأزمة صحية أجبرتها على عدم ممارسة عملها، والتوقف عن المشاركة في أعمال فنية بسبب وضعها الصحي، وهو ما أدى إلى مرورها بأزمة مالية، بسبب تكاليف علاجها.
ووجهت نجوى فؤاد رسالة لوزير الثقافة، خلال مداخلة هاتفية لها فى إحدى البرامج التليفزيونية، حيث قالت: اهتموا بينا شوية إحنا الجيل اللي خد ملاليم مش ملايين، ودخلنا معروف عايزين نعيش عيشة آدمية حلوة.
وتابعت نجوى فؤاد: أنا مش عايزة أعيش في دار مسنين، أنا ساكنة في بيت إيجار، ومعنديش بيوت تمليك ولا محلات قفلاها، والعلاج بقى غالي، وكشف الدكاترة بقى نار، والعيشة صعبة انتبه لينا شوية، دي حاجة أنا مشوفتهاش في حياتي.
واستكملت نجوى فؤاد حديثها: ببحث على مشروع صغير لأن معاشي ٦٠٠ جنيه في الشهر، دول ميجيبوش عيش، هدور على حاجة أشتغلها، قضيت عمري كله في المشوار الفني، مع الناس اللي حبتني هسعى على شغل واللي يدور يلاقي، والأعمار بيدي الله محدش عارف عمره إمتى؟