أكد أحمد حسام ميدو نجم نادي الزمالك السابق، أن الفارس الأبيض أفضل دفاعيا من الأهلي وبيراميدز، مشيرا أن الفريق يمر بفترة استقرار بعد حل العديد من المشاكل الخارجية.
ونشر ميدو عبر حسابه الرسمي على منصة "إكس": "الزمالك عنده فريق محترم وجاب لاعيبه كويسة وكل المشاكل اللي كانت بتواجه الفريق بره الملعب وكانت مأثره علينا بشكل كبير معظمها اتحل".
وواصل: "رأيي أن الزمالك أفضل دفاعيًا من الأهلي وبيراميدز، ودلوقتي الفريق عنده دكة كويسة بس لازم نلعب بأحسن 11 ويتثبتوا".
وأكد ميدو في تحليله لأفضل تشكيلة للفريق: "لازم نلعب بصبحي، عمر، الونش، حسام، بينتايج، شحاتة، آدم كايد، ناصر ماهر، شيكو بانزا وألڤينا وعدي الدباغ، وعبد الله يلعب آخر نص ساعة".
واتم: "مفيش إلا ماتشين الأهلي وبيراميدز اللي ممكن تلاعب شحاتة 8 فيهم، غير كده مع احترامي لكل فرق الدوري مفيش ولا فرقة عندها اللاعيبة اللي تخليك تلعب بدونجا وشحاتة مع بعض في نص الملعب".
وكان تعادل الزمالك سلبيا مع المقاولون العرب، في مباراة شهدت عدم ظهور الفارس الأبيض بالمستوى المطلوب، مما أثار غضب جمهور وعشاق الفريق.