نشرت الفنانة رحمة محسن رسالة امتنان وحب عبر حسابها الرسمي على موقع التواصل الاجتماعي لتبادل الصور والفيديوهات إنستجرام، بعد تكريمها في مهرجان the best، عبرت فيها عن مشاعر مختلطة تعيشها خلال الفترة الأخيرة، مؤكدة أن التجارب الصعبة تكشف حقيقة بعض الأشخاص وتمنح الإنسان دروسًا لا تُنسى.
وكتبت عبر حسابها الرسمي على موقع التواصل الاجتماعي لتبادل الصور والفيديوهات إنستجرام: "مشاعر كتير جوايا من كترها مش قادره أعبر .. لكن مهم أوي أتكلم عن شويه دروس مستفاده .. إن الإنسان لازم يتقبل إن نجاحه ممكن يكون بياكل ف قلب ناس مريضه .. وإن في أشخاص ممكن ماتنامش الليل لو حسوا إنك ف خير وكرم من ربنا .. وإن في ناس ممكن تبقي معاك وماسكه فيك علشان إنت عندك المصلحه !! لكن لو المصلحه دي خلصت منك هما مش هايسيبوك تعيش.
وتابعت: لازم يبذلوا أقصي مجهود ممكن يبذله إنسان لتدمير إنسان تاني … هنا بقي بيحصل إيه ؟!!!!.. بتحاوطك أعمالك إللي بتتاجر فيها مع ربنا .. بتسندك مره ماشاركتش فيها ف النميمه علي حد .. ومره ماظلمتش حد .. ومره أكرمت حد .. ومره سامحت حد .. ومره راضيت محتاج .. ومره جبرت بخاطر مكسور .. ومره ماقطعتش رزق حد .. ومره هونت وطبطبت علي حد .. ومره سندت صاحبك.. ومره راضيت أمك وأبوك .. ومره أكرمت أخوك .
وأكدت: كل حاجه حلوه مهما كانت بسيطه بتحاوطك لما يجتمع بني آدمين علي ظلمك وأذيتك .. يمكن إللي بحققه يكون ف نظر ناس كتير بسيط ومش مهم .. لكن بالنسبالي أنا كبير جداااااااا .. لإن أنا لوحدي إللي عارفه قد إيه المشوار كان صعب ومتعب وكله شقي .. ف أنا بتمني إن أي حد بيآمن للناس بسرعه وبيدي حب وخير من قلبه و من غير حساب ياخد مني عبره .. علشان أخطر حاجه ممكن يتعرضلها أي بني آدم إنه يآمن ناس خاينين .. ويكرم إنسان لئيم .. ممتنه جدااااااااآ لله إنه دايما يطبطب علي قلبي مهما زادت الشده وكبرت المحنه.. وأتمني يارب إن إللي جاي ف حياتي يكون أطيب وأحن من إللي فات.. الحمدلله الحمدلله الحمدلله.