كشفت الفنانة رحمة حسن عن تدهور حالتها بسبب مشكلة سقوط الشعر، واللي قالت إنها بدأت تزيد أكتر بعد زيارتها لإحدى العيادات التجميلية في منطقة الزمالك.
وكتبت رحمة عبر حسابها الرسمي على موقع التواصل الاجتماعي لتبادل الصور والفيديوهات إنستجرام: "للأسف حالت شعري أوحش بكتير يوم عن يوم بسبب اللي العيادة استخدمته على شعري.. كل يوم بكتشف إنهم ارتكبوا في حقي جريمة وممكن تكون عاهة مدى الحياة."
وتابعت: "فا للبنات اللي بتبعتلي عوزة علشان تعرف عالجت شعري إزاي.. شعري لسه زي ما هو.. أخدت فيتامينات، حطيت محاليل على شعري، عملت تحليل كتير الفترة اللي فاتت لكل حاجة، والحمد لله مافيش حاجة داخلية."
وأوضحت: "كل حاجة كانت بسبب العيادة والدكتورة واللي استخدمته على شعري.. طريقة العلاج اللي مش مناسبة أبداً ليه. شعري الأساسي التقيل كله وقع، نوع الشعر اختلف بسبب الكارثة اللي عملتها الدكتورة والعيادة اللي مسؤولة.. فا لكل اللي بيطمن عليّا، فا حالتي شعري أسوأ بكتير."
