نشرت الفنانة لقاء الخميسي رسالة إنسانية مؤثرة عبر خاصية الستوري على حسابها الرسمي بموقع تبادل الصور والفيديوهات انستجرام، تحدثت خلالها عن اختبارات الحياة وضغوطها، وما يمر به الإنسان من تقلبات وتجارب مختلفة، وجاءت رسالة لقاء الخميسي تزامنًا مع أزمة طلاق زوجها، حارس مرمى منتخب مصر السابق محمد عبد المنصف، والتي تصدرت اهتمام الجمهور خلال الفترة الماضية.
وكتبت لقاء الخميسي:«دائماً وابداً الدنيا بتختبرنا وبتضغط علينا وبتغير حياتنا من حين لآخر وبتلخبطنا. ساعات بنحقق احلامنا وساعات بنتوه في الزحمة وبنتنسي.
وتابعت: بنقابل ناس نحبهم ونقابل ناس مش بتسطلطفنا، وناس بتحاربنا وناس تانية بتطبطب على قلوبنا، وناس بتعاندنا وتحاول تكسرنا لأنهم هما نفسهم مكسورين ومش عارفين يصدقوا في نفسهم حتى وهما بيحققوا اللي قرروا انهم يحققوه وحتى وهما ناجحين.
وأضافت: اختبار الدنيا مش سهل بالعكس دا عايز صبر ونفس طويل علشان في آخر الطريق نعرف احنا في الدنيا ليه وايه هي مهمتنا الأساسية غير إن إحنا نطور من نفسنا ونتعلم الصبر وما نضايقش أي إنسان حتى لو هو قرر يضايقنا، السماحة ليها معنى كبير.
واختتمت: في النهاية، احنا هنا علشان نحب، نفكر، ونتعلم وفي آخر الطريق هانعرف ايه هي حكمة وجود كل إنسان فينا».
