رد الرئيس عبد الفتاح على سؤال أحد المواطنين بشأن الأخطاء التي وقعت فيها مؤسسات الرئاسة في الفترة الأولي وتتمني تلافيها في المرحلة الثانية.
أجاب الرئيس السيسي أن "الواحد لما يعترف بأخطائه حاجة جميلة جدا.. وأنه في ظل الظروف اللي إحنا فيها والحالة التي تشكلت في مصر.. وأنا يومي بابدأ من الساعة الخامسة صباحا للمصريين على طول ولا استطيع أنام تاني وانا في حالة تفكير وتدبر مستمرة".
وتابع الرئيس :" لأن 100 مليون ذنبهم عظيم وأجرهم عظيم، لو أحسنت سوف يكون قبري عظيم قوي وهروح عند ربنا هيقول لي أحسنت، وعلى قد الظروف التى كنت فيها أحسنت أو ما أحسنتش.. وأنا يارب أكون أحسنت فلذا أفكر كتير قوي وأنا عايز.. أقول لكم بكون عايز أكلم ناس الصبح الساعة 6 وهم نايمين".
وقال الرئيس السيسي :" أنا بكره العجز.. وبكره الضعف.. وبكره الذل.. وبكره الانكسار.. وعايز يكون اليوم يبقي يومين، والساعة ساعتين، والجنيه جنيهين، وعايز كل حاجة كتير، وعلى كل حال أنا أسيب الأخطاء ديه، وإن كنت أخطات أن تتقبلوا خطأي وتعرفوا إنها غير مقصودة، وإن كان في خطأ لأن أنا بحبكم انتوا يا مصريين وخايف عليكوا قوي.. خايف قوي على المصريين ومش عايز بلدنا تنكشف ظهرها.. أو تنكسر أبدا".
وتابع الرئيس السيسي :" ستجدوني دايما أنا مش قلق لكن بقي يعني قلقان عليها بطبيعة الحال عمري كله، لما كان مصيري أنا فقط اللي يستحق القلق لم أكن قلق ولكن الآن أصبح مصير مصر.. فأصبحت قلقان عليها وعايزكم يا مصريين تخافوا عليها وتخلوا بالكم منها وتكبروا بيها لأن مش هتقدروا تكبروا الا بيها.. مصر تكبر.. احنا كبار.. مصر تقع.. احنا نقع، وشوفوا الدول اللى ربنا اعطانا أمثلة حية عشان يقيم الحجة علينا يقولك أنا وريت لك مثال حي أمامك مخلتش بالك ليه، شوفت اللي وقعوا عملوا أيه وقعين هنا وهنا وهما أهلنا برضه لكن.. لو كان فيه أخطاء لأ".
وأضاف الرئيس السيسي:" أنا أخذت قرارات يمكن البعض من الناس يعتبرها خطأ زي مثلا التعويم.. وسعر الصرف.. والاصلاحات الاقتصادية قد يعتقد البعض والناس الخبراء بالذات يقولك هل كنتم مجهزين اجراءات متكاملة لصالح الاجراءات ديه والا لأ، وأنا برد عليه وأقوله إحنا كنا مجهزين في اطار قدراتنا، هل مؤسسات الدولة المصرية تعمل بكفاءة مؤسسة الدولة الألمانية، فانت لا تفتح الكتاب وتكلمني على اللي في الكتاب وانت عارف أنه غير متوافر عندنا.. لأ إن شاء الله لن يكون في أخطاء في ظل الظروف التى احنا موجودين فيها بس".