أعرب المخرج بيتر ميمي عن فخره الكبير بالمشاركة في مسلسل «صحاب الأرض»، مؤكدًا أن العمل بالنسبة له لم يكن مجرد توثيق للحرب والإبادة، بل محاولة لتخليد معاني الأمل والقوة والصمود.
كتب بيتر ميمي منشور على حسابه الشخصي بموقع التواصل الاجتماعى الفيسبوك: القصف عمره ما أنهى الحياة ولا هيقدر ينهيها، وأنا بشكر كل فرد شارك في العمل اسم اسم، على تحملهم ضغط التصوير وعصبيتي المستمرة، رغم صعوبة الظروف، اللي فرّق معايا بجد إن كل الفريق كان بيسند بعضه، مفيش حد كان بيفكر في نفسه، الكل كان هدفه يطلع العمل بالشكل اللي يلمس الناس في الوطن العربي والعالم كله.
وتابع: بشكر كل حد اتصاب أثناء التصوير بسبب الركام أو كسر الزجاج أو غيره، لأن اللي بيحصل على أرض الواقع أصعب بكتير، وربنا يكون في عونهم ويحميهم ويرجع حقهم.
ووجّه ميمي الشكر لأبطال وصنّاع العمل، وفي مقدمتهم منة شلبي وإياد نصار وباقي فريق المسلسل، مؤكدًا تقديره لإيمانهم بالمشروع.
واختتم منشوره قائلًا: بشكر الشركة المتحدة للخدمات الإعلامية وأهلي وكل اللي ساندوني، ومن قلبي بقول شكراً لبلدي مصر… مفيش غيرها تقدر تعمل مسلسل زي ده، وتحية كبيرة لأصحاب الأرض اللي بنتعلم منهم الصمود والاحتمال.