علقت الفنانة ريهام حجاج على الجدل المثار حول الأعمال الدرامية في موسم رمضان 2026، مؤكدة أن اختلاف الأذواق هو ما يمنح الفن قيمته الحقيقية.
وكتبت ريهام حجاج، منشور على حسابها الشخصي بموقع التواصل الاجتماعى الفيسبوك:"في حاجات ربنا خلقها مفيهاش صح وغلط أو حلو ووحش.. زي الشعر الأسود والبني، ولا التفاح أحلى من العنب.. ومن الحاجات دي الفن".
وأضافت: "كل فن حلو، لكنه بيبقى حلو في عين اللي ذوقه وفكره وتربيته وسنه وخبراته تتناسب مع العمل اللي بيختاره".
وتابعت: "عشان كده لازم يكون فيه كل الأنواع والأذواق والألوان، لأننا مختلفين، لكن للأسف مش دايمًا بنحترم اختلافنا".
واختتمت: "الموسم الرمضاني جميل ومليان أعمال متنوعة، اتفرجت على اللي يناسب ذوقي واستمتعت بيه، وبحترم كل الأعمال التانية ومقدّرة تعب صناعها.. وكل سنة وأنتم طيبين وعاش الفن الممتع بكل أشكاله".