كشفت الفنانة رشا العدل عن تطورات الحالة الصحية لمرزبان، مؤكدة أن حالته حرجة للغاية، مطالبة الجمهور بالدعاء له بالشفاء.
وقالت رشا العدل عبر حسابها: "ميرزو أخويا مش بس صديقي، بموت في مراته ناتو قد إيه ست جميلة وكلاس ودمها خفيف، قد إيه هو نفسه خلوق وجدع وخدوم وصاحب صاحبه، راجل في المواقف ومستمع جيد".
وأضافت: "بينا عيش وملح ومواقف كتير ضحك وزعل وسفر كتير في محافظات مصر من الغردقة لشرم لبورسعيد للإسماعيلية للإسكندرية، مش من الناس اللي بنتقابل هاي وباي ودمتم".
وتابعت رشا العدل أن حادث مرزبان أثّر فيها وفي الكثيرين، قائلة: "حادثة مرزبان هزتني بس هزت ناس كتير قوي كمان معايا سواء فنانين، بايكرز أو ناس اتعاملت معاه أو حتى ناس ماتعرفوش غير من شاشة التلفزيون".
وأكدت أن حالة مرزبان الصحية "حرجة جدًا"، ووجهت رسالة للجمهور قائلة: "محتاج كل دعوة صادقة، والبوست ده هدفه جمع أكبر عدد من الناس تدعيله، فبترجاكم لا تبخلوا عليه بالدعاء، اللهم اشفه شفاء لا يغادر سقما وعافيه وقومه بالسلامة لكل أحبابه، وصبر وطبطب على قلب زوجته وبناته وقلبنا كلنا اللي موجوع عليه".