رفع أسعار منتجات الطاقة مش معناة إننا هنلغي الدعم لإن الدعم الطاقة واجب علي الحكومة لمساعدة محدودي الدخل، لكن زي ما قلنا طالما الدعم مبيوصلش لمستحقيه يبقي استمرار المنظومة بالشكل الحالي بتاعها دا هيزود المشاكل مش هيقللها.

لكن مقابل زيادة الاسعار اللي بتحصل في منتجات الطاقة الدولة بتتكلف بردو مبالغ تانية بتتمثل في اسعار منتجات الطاقة والبترول والبنزين اللي بنستوردهم من برا بالإضافة لتكاليف إنشاء محطات الكهرباء اللي رحمتنا من انقطاع الكهرباء في السنين اللي فاتت، عشان كدا بقولك إن الدولة بتتحمل مبالغ كتير مقابل توفير منتجات الطاقة والكهرباء، وزيادة الأسعار دي عشان تقدر الدولة تستمر في الوفاء بالتزامتها مش معناه إلغاء الدعم عن المواطن.