وجّه المستشار مرتضى منصور رئيس نادى الزمالك وعضو مجلس النواب، رسالة للرئيس عبد الفتاح السيسى ووزير الداخلية اللواء مجدى عبد الغفار والسفير سامح شكرى وزير الخارجية، والمستشار نبيل صادق النائب العام، مهاجمًا خلال أعضاء رابطة الأولتراس الأهلى لتعديهم على بعثة الزمالك العائدة من نيجريا من خلال وجود البعثتين بدولة أثيوبيا "ترانزيت" للعودة.

وقال منصور خلال مقطع فيديو نشرته الصفحة الرسمية للنادى: "سيادة الرئيس دول 30 بلطجى سافروا من هنا ووافقتلهم وزارة الخارجية والأهلى طنش عنهم، الدولة تتنازل عن حقها إحنا ملناش دعوة، لكن وهو راجعين اتقابلوا فى طيارة أثيوبية اشتغلوا شتيمة على البلد والزمالك ورئيس الزمالك"، حسب قوله.
وتابع: "حصل فوضى وعنف فى الطيارة، وأنا عايز أعرف دول هيتسابوا، وأنت ياريس عارف إن أنا بحبك وبحترمك رغم اختلافنا، وفى النهاية أنت رئيس بلدي، سيادتك ده حصل من عيال مبرشمة وسكرانه فى دولة إحنا لينا معاها مشاكل".