نشرت الإعلامية ريهام سعيد عبر حسابها الرسمى على موقع تبادل الصور والفيديوهات إنستجرام ردا على اتهامات محمد رشاد لها بعد الحلقة التى تحدثت فيها على أسباب إلغاء حفل زفافه على الإعلامية مي حلمى تحت عنوان "ردا على فنان صاعد" .

وعلقت ريهام قائلة: "انا فى حالة صدمة من تصريحاتك، الصحافة بقالها 3 أيام بتتكلم، ومقررتش ترد غير عليا مع أنى الوحيدة اللى ما اتكلمتش عن سبب الانفصال ."

وأضافت: " مفيش حاجة اسمها حياة شخصية لشخصية عامة وهى دى ضريبة الشهرة، ورغم علمنا بالموضوع من يوم الأحد إلا أننا ما اتكلمناش فى أى حاجة إلا بعد الصحافة كلها ما اتكلمت، ومي دخلت المستشفى وكلمتها مكالمة وقالت أنها هتوضح كل حاجة فى برنامج ."

واستكملت: " وحضرتك قمت بتأليف سيناريو وهو انى قلت انك اتخليت عنها ، ممكن يكون إحساسك لكن أنا مقولتش حاجة شبه كده، انا قولت أتمنى انكوا تتصالحوا ولو ما حصلش يبقى خير ليكوا انتوا الاتنين ." 

واختتمت ريهام ردها قائلة:  "متاخدش ريهام سعيد كبش فدا، وركز في مرض خطيبتك وإلغاء زواجك اللي هما أهم بكتير، وللعلم مصادري من أقرب المقربين لمي، وموثقة بصور المحادثات، وأخيرا زي ما قلت في الحلقة اللي انت ماشفتهاش، بتمنى لكم التوفيق".