يطلق الإخوان مجموعة من الشبهات المضللة حول التعديلات الدستورية المقترحة لكن لا تحير نفسك فنحن نقدم لك السؤال والجواب.
السؤال:
"ليه نعدل المادة 200 بتاعة القوات المسلحة .. هو احنا هنعسكر الدولة؟
الإجابة: أنت
تعرف أن المادة دي بصياعتها المقترحة بتضمن أن القوات المسلحة تبقى ملك للشعب
وتنحاز له هو فقط مش لأي رئيس، وإنها تحافظ على مقومات الدولة ومؤسساتها.
السؤال: إيه هو التعديل بتاع مجلس النواب في التعديلات الدستورية المقترحة؟
الإجابة"
"يشكل مجلس النواب من عدد لا يقل عن أربعمائة وخمسين عضوا ينتخبون بالاقتراع
العام السري المباشر، على أن يخصص بما لا يقل عن ربع عدد المقاعد للمرأة"،
المادة دي بتضمن أن عدد المقاعد في مجلس النواب الخاصة بالمرأة متقلش عن ربع عدد
المقاعد ودي زي "كوتة" كدة للمرأة علشان مسألة تمثيل المرأة في المجلس
فيها صعوبة شوية.
السؤال: ليه نعدل مدة الرئاسة ونخليها 6سنين بدل أربعة؟
الإجابة: كل
دولة ليها وضعها وأحوالها طبقا لمتطلبات المرحلة واحتياجات المجتمع. صحيح احنا مش
عاوزين رئيس على طول ويبقى ديكتاتوري ومستبد، وعاك أن ماينفعش تطول مدة الرئاسة
كتير لكن التعديل قصرها على فترتين بس، كمان شوف دول ناجحة كتير أدت فرصة للحاكم
يطبق إصلاحاته.
عارف الصين
واقتصادها .. الدولة الرائدة على مستوى العالم عملت تعديل على دستورها في مارس
2018 ومش بس طولت مدة الرئاسة، دي لغت الفترتين وخلتها مفتوحة للرئيس.. عندك مثلا
روسيا، الرئيس فلاديمير بوتين هو الحاكم الفعلي لروسيا من سنة 1999، والمستشارة
انجيلا ميركل مستشارة ألمانيا من سنة 2007.
وكل التعديلات
دي مقترحات نتناقش عليها لحد ما نطلع أفضل مقترح وستطرح على الشعب في استفتاء وهو
اللي يقول رأيه
السؤال: هنعدل المادة 244
واللي كانت بتتميز بأنها ضمانة هامة للشباب والمسيحيين والأشخاص ذوي الإعاقة ؟
الإجابة: طيب عايزك تقرا المادة الأول بنصها
الحالي.. برضه بتلزم الدولة بتمثيل ملائم للشباب والمسيحيين والأشخاص ذوي الإعاقة
في أول مجلس للنواب بعد إقرار الدستور فقط.
إنما التعديل للمادة تلزم الدولة أن التمثيل
للشباب والمسيحيين وذوي الإعاقة يبقى بشكل دائم مش بس كدة لا أضاف مادة جديدة وهي
المصريين المقيمين في الخارج.
السؤال: لية نعدل المادة 243 بتاعة العمال
والفلاحين ؟
الاجابة: المادة 243 بنصها الحالي بتلزم
الدولة بتمثيل ملائم للعمال والفلاحين في أول مجلس للنواب بعد الدستور فقط لكن
تعديل المادة بتلزم الدولة أن التمثيل دة يبقى بشكل دائم فأيهما أفضل .
السؤال: لية نخلي مجلس أعلى للجهات والهيئات
القضائية يرأسه رئيس الجمهورية ... هو مش المفروض القضاء مستقل؟
الإجابة: المادة 185 اللي بتنص على إنشاء
المجلس الأعلى للجهات القضائية يرأسه رئيس الجمهورية أو وزير العدل في غيابه مش
تحكم في القضاء، لأن دة هيكون مجلس إداري تنظيمي هينظر في الأمور المشتركة ما بين
الجهات والهيئات القضائية المتعددة وما بيت السلطة التنفيذية وكمان شروط التعيين
والترقية وندب الأعضاء .
عارف لية كمان مش تحكم في القضاء.. لأن فيه
مجلس للقضاء الأعلى يرأسه رئيس محكمة النقض ودة المجلس اللي بينظر في لأمور الفنية
للقضاء وبيعمل على حسن سير القضاء واستقلاله وحسن سير العمل في المحاكم .
السؤال: لية هنرجع مجلس الشورى تاني بمسمى
مجلس الشيوخ؟
الإجابة هي أن المواد المستحدثة اللي بتتكلم عن
تشكيل مجلس الشيوخ أن عدده ميقلش عن 250 عضو، ومدته 5 سنين ينتخب التلتين والرئيس
عيني التلت الباقي.
والمجلس دة مهم جدا لأنه بيساعد مجلس النواب
في مهامه، لأن المجلس دة من المفترض هيضم ناس خبراء ونخبه ليهم أكتر من رأي وزي
أغلب دول العالم بيكون فيه غرفة تانية للتشريع.
مجلس الشيوخ هيتاخد رأيه في أمور كتيرة منها
مشروعات القوانين المكملة للدستوري ومشروع الخطة العامة للتنمية الاجتماعية
والاقتصادية، ومعاهدات الصح والتحالف وجميع المعاهدات اللي بتتعلق بحقوق السيادة.
وفيه مادة مستحدثة بتنص هلى أنه لا يجوز الجمع
بين عضوية مجلس الشيوخ ومجلس النواب عشان نضمن أنه ما يبقاش فيه تضارب للمصالح.
السؤال: لية هنرجع منصب نائب رئيس الجمهورية؟
الإجابة: مش قولتلك أن التطبيق العملي
والواقعي لمواد الدستور بتكشف عيوب ومشاكل كتيرة.
منصب رئيس الجمهورية مهم جدا وله اختصاصات
وصلاحيات مهمة وبيضمن استمرار الدولة لما يخلي منصب رئيس الجمهورية، كمان التعديل
هيعمل ضمانة هامة أن لما يخلى منصب رئيس الجمهورية ويحل محله رئيس مؤقت: لا يجوز
للرئيس المؤقت أنه يطلب تعديل الدستور أو يحل مجلس النواب أو مجلس الشيوخ ولا يقيل
الحكومة.
السؤال: لية هنعدل الدستور دلوقتي وهو صادر
سنة 2014 ؟
الإجابة: أنت تعرف إن فرنسا عدلت دستورها
الحالي اللي صدر في أكتوبر 1958 "دستور الجمهورية الخامسة" وعدلته في
يونيو 1660 يعني بعد أقل من سنتين فقط من
وضعه ومن ساعتها لحد دلوقتي اتعدل 24 مرة.
طب عارف أمريكا عدلت دستورها كام مرة.. 72 مرة،
وألمانيا عدلت دستورها 62 مرة
عاوز أقولكم أن الدستور مش وثيقة إلهية وأن
التطبيق العملي والواقعي لمواد الدستور بتكشف بعض العيوب والمشاكل وشوف انت بقى
دستورنا طلع في أجواء كانت عاملة إزاي، ومؤسسات الدولة كانت ضعيفة وكل طرف فارض
رأيه ..والبلد كانت عايزة تستقر.