خضعت الفنانة ميس حمدان لجلسة تصوير جديدة بمناسبة عيد الحب ارتدت خلالها فستانا أحمر خطفت به الأنظار ونالت إطلالتها إعجاب كل متابعيها.
وكتبت ميس تعليقا علي الصور قائلة: "الحب أحلى حاجه اتخلقت فعليا في الوجود بكل اشكاله… ولو حتكلم عن الحب بين الراجل والست فبالنسبه ليه الحب ده بالذات بينعش فؤادي و بيخليني إنسانه محبه للحياه وعايزه أكون أحسن وحاجات تانيه كتير والحمد لله عشته اكتر من مره بكل تفاصيله الحلوه والمره ووجعه المؤلم ورغم كل ده لسه بدور عليه بشغف".
وأضافت: "رافضه اتجوز من غير حب رغم كل محاولات إقناع الناس اللي حوليه ان خلاص مفيش حاجه اسمها حب لكن انا مصممه إني مش حتنيل اتجوز غير عن حب حتى لو حيروح بعدها بيوم بس هو ده تفكيري دلوقتي جايز يتغير بعدين و انا ماشيه عل العكاز مثلا هههه معرفش ....الدنيا مش مستاهله فاستغلو الحب وسخروه ليكو واستمتعو بيه قد متقدرو ..حبو واتحبو لان الحب بيهون كل شىء مهما كان صعب الحب بيدي طاقه ايجابيه تخليك طاير فوق الريح من الاخر كده الحب حيفضل طول عمره مرمغة".